كەڵكی ڕیزكراو. سەیری كەڵكی ژمارەیی بكەن.

یاسای كەمبوونەوەی كەڵكی سنوورەكی. ئەگەر شمەكێك زۆر بە كار بهێنرێت، واتە زۆری لێ بە كار بهێنرێت، ئەوا كەڵكی سنوورەكییەكەی كەم دەبێتەوە.

یاسای كەمبوونەوی كەڵكی سنوورەكی. سەیری یاسای كەمبوونەوەی كەڵكی سنوورەكی بكەن.

سوودی سنوورەكی (MU). ڕەزامەندیی زێدە یان زیاترە كە بە هۆی بەكاربردنی 1 یەكەی زیاتری شمەكێكەوە بە دەست دێت، لەگەڵ مانەوەی بڕی شمەكەكانی تر وەك خۆیان.

مێركانتلیزم. ڕێبازێكی سیاسییە كە جەخت لەسەر گرنگیی زیادهێنانی تەرازووی پێدان وەك ئامڕازێك بۆ كەڵەكەكردنی زێڕ دەكاتەوە. لایەنگرانی ئەم ڕێبازە پاڵپشتی لە كۆنتڕۆڵی توندی سیاسەتە ئابوورییەكان لە لایەن حکومەتەوە دەكەن و پێیان وایە سیاسەتی بێ کۆتوبەند (Laissez-faire policies)، لەوانەیە ببێتە هۆی لەدەستدانی زێڕ.

كەڵكی ڕیزكراو. هەژماركردنێكی بێڕەهەندی كەڵكە كە لە تیۆریی خواستدا بە كار دەهێنرێت. كەڵكی ڕیزكراو وادەكات كەسێك شمەكی A لە Bی پێ باشتر و پەسەندتر بێت، بەڵام ئێمە ناتوانین بڵێن تا چەند. واتە دەكرێ دوو گروپ شمەك لە بەرامبەر یەكتردا بە پلەی جیاواز دابنرێت، بەڵام ناكرێ جیاوازیی ڕەهای نێوانیان هەژمار بكرێت. ئەمەش پێچەوانەی كەڵكی ژمارەیی (cardinal utility) یان كەڵكی بێڕەهەندە كە هێندێک جار لە شرۆڤەی ڕەفتار لە بەرامبەر ڕیسكدا، بە كار دەهێنرێت. نموونەیەكی پێوەری ژمارەیی، ئەو كاتەیە كە دەڵێین مادەیەك كە پلەی تینەكەی 100 Kی (kelvin) بێت دوو هێندەی لە مادەیەك كە پلەی تینەكەی 50 K بێت، داخترە.

كەڵك (هەورەها كەڵكی گشتی). سەرجەم ڕەزامەندییە (کەڵکە) كە لە بەكاربردنی شمەك و خزمەتگوزارییەوە بە دەست دەکەوێت. پێچەوانەی كەڵكی سنوورەكییە (marginal utility) كە بریتییە لە یەك یەكەی زیاتری كەڵك بە هۆی بەكاربردنی یەك یەكەی زیاتری شمەكەوە.