دراوی بیانی. دراوی (یان ئامڕازە داراییەكانی تری) جیاوازیی وڵاتانە كە وڵاتێك لە بەرامبەر شمەك یان خزمەتگوزاریدا دەیداتە وڵاتانی تر.

بازاڕی دراوگۆڕینەوەی بیانی (یان هەر بازاڕی دراوگۆڕینەوە). ئەو بازاڕەیە كە دراوی جیاوازی وڵاتانی تێدا ئاڵوێر دەكرێت.

نرخی دراوگۆڕینەوە. ئەو نرخەیە كە وڵاتێك دراوەكەی بە دراوی وڵاتانی تر دەگۆڕێتەوە. بۆ نموونە، ئەگەر 10 پێزۆی مەكسیك بە 1 دۆلاری ئەمەریکا بكڕی، ئەوا نرخی دراوگۆڕینەوە بۆ پێزۆ دەبێتە 10. ئەگەر وڵاتێك نرخی دراوگۆڕینەوەكەی دیاری بكات و هەوڵ بدات ئەو نرخە ڕابگرێت، ئەوا سیستەمی دراوگۆڕینەوەی جێگیری هەیە. ئەگەر نرخی دراوگۆڕینەوە بە هۆی خواست و خستنەڕووی بازاڕەوە دیاری بكرێت، ئەوا پێی دەڵێن نرخی دراوگۆڕینەوەی نەرم.

هێزی كار. لە ئاماری فەرمیی U.S.دا بەو كەسانە دەگوترێت كە تەمەنیان لە 16 ساڵ دەست پێ دەكات بۆ خەڵكی بەتەمەن (بۆ سەرەوەی 16 ساڵ)، چ ئەوانەی كار دەكەن و چ ئەوانەی بێكارن.

ڕێژەی بەشداری هێزی كار. ڕێژەی ئەو كەسانەی دەكەونە ناو هێزی كارەوە لە بەرامبەر گشت دانیشتوانی 16 ساڵ و سەرەوەی 16 ساڵدا.

پوختەی وەبەرهێنانی بیانی. بریتییە لە پاشەكەوتی وڵاتێكی دەرەكی كە تا ڕادەیەكی زۆر یەكسانە بە پوختەی هاوردە.

لە دەرەوەی هێزی كار. ئەو بەشەی دانیشتوانی تەمەن گەورەساڵە کە نە كار دەكەن و نە بە دوای كاریشدا دەگەڕێن.

زانیاریی ناتەریب. ئەو دۆخەیە كە لایەنێك لە مامەڵكردندا زانیاریی باشتری لە لایەنەكەی تر هەیە. زۆر جار ئەمە دەبێتە هۆی كەمایەسیی بازاڕ، یان نەبوونی هیچ بازاڕێك.

ئابووریی زانیاری. شرۆڤەكردنی ئەو دۆخانەی ئابوورییە كە تێیدا زانیاری وەك شمەكە. چونكە بەرهەمهێنانی زانیاری تێچوونێكی زۆریی تێدەچێت، بەڵام بەرهەمهێنانەوەی هەرزانە. بازاڕ لە ڕووی بازاڕی شمەك و خزمەتگوزاریی زانیارییەكانەوە وەك داهێنان، چاپكردن و بڵاوكردنەوە و، نەرمئامێردا، زۆر كەموكورتیی (كەمایەسی) هەیە.