«نتـ.» بەردێکی زەردی مەیلەو ڕەشه، وەک وردە شووشەی بوتڵی شکاو دەچێ، لە تیرەی ئەو بەردانەیە کە لە ئەنجامی ئاگرپژێنی هەندێ کێو پەیدا بوون، زۆر سەخت و ڕەقە و وەک تیغیش دەبڕێ، ئادەمیزادی دەوری بەرد چەک و هەندێ شتی تری «سەر نێزه، کیڕد، سەرە رمب و دەمەداس...» لەم بەردە کە لە گەلێ شوێنی کوردستان دەست دەکەوێ، دروست کردووە.

«نا.» بەردێکه، چەند جۆری هەیه، لەوانەیە هێندێکیان لە ڕیزی بەردە بە قیمەتەکان دەژمێردرێن و زیاتر دەکرێتە نەقیمی ئەنگوستیلە و ملوانکە... بۆ خۆ ڕازاندنەوەی ژنان، جاران مۆریشیان لێ دروست دەکرد. بەردێکی ئاودار و جوانه، گەلێ ڕەنگی هەیه، لە هەموان پەسەندتری «سووری ئاتەشی» یە و جۆرێکی تریشی «دڕووبا» یە. لە باری کیمیاییەوە ئەم بەردە بەردێکی «سیلیسی» یە و چەند زەڕە «مۆلیکول» ئاویان تێدایە کە ژمارەیان تا ١٨ تێناپەڕێ و لە جۆرەکانی ئاقیق دا کەم و زۆر دەبێ، ئەگەر بیهاڕنەوە و بەسەر ئاگری وەرکەن وەکوو خۆی قرچە قرچ دەکا، ئەوە ئاوەکەیەتی کە دەبێتە هەڵم. لە بەردی تر سوکترە و جاروبارە هێندە سووک دەبێ کە سەر ئاو دەکەوێ، لە کوردستان هەندێ نەوعی هەیە. * یاقیق