لە سەرەتای ساڵی 1975 دا لیژنەیەکی تایبەتیی کاتی بۆ لێکۆڵینەوە و دانانی زاراوە زانستییەکان، بەپێی بڕیاری ئەنجومەنی کۆڕ ساز کرا و لە بەرگی سێیەمی ئەم گۆڤارە، لە باسی پوختەی کارەکانی کۆڕدا، مامۆستا مەسعوود محەمەد، دەمڕاستی لیژنە، چەند لاپەڕەیەکی بۆ ڕوون کردنەوەی ئامانجی ئەم کارە و چۆنیەتیی زاراوەدانان و ڕێبازی پەسەند و زانستییانە، بە نموونەوە نووسی بوو، جا بە بۆنەی بڵاو کردنەوەی لیستەی یەکەمی زاراوەکانەوە وا پەسەند کرا کە جارێکی دیکەش ئەو ڕوون کردنەوانە وەکوو پێشەکییەک بڵاو بکرێتەوە.