وەڵام
وەك دەزانین ساڵێکی تەواو بریتیە لە 12 مانگ و ژمارەی ڕۆژەکانی هەر مانگە/یش دیاریکراوە بە 30 یا 31 ڕۆژ تەنیا شوبات ( February ) نەبێت کە ژمارەی ڕۆژەکانی بە 28 یا 29 ڕۆژژ دانراوە. */ لەسەر ئەو ڕۆشناییەی سەرەوەڕا ئەوا ژمارەی ڕۆژەکانی ساڵێکی تەواو دەبێت 365 یا 366 ڕۆژ بکات. */ ئەگەر ژمارەی ڕۆژەکانی مانگی شوبات 28 بێت ئەوا بە گشتی ساڵێکی تەواو بە 365 ڕۆژ دادەنرێت و بەو ساڵەیش دەوترێت ساڵێکی ئاسایی، بەڵام گەر ژمارەی ڕۆژەکانی مانگی شوبات 29 بێت ئەوا ژمارەی ڕۆژەکانی ساڵ دەبێتە 366 ڕۆژ و بەو ساڵەیش دەوترێت ساڵێکی پڕ و لیپاولیپ ( Leap Year ). */ هەر ساڵێك بەسەر 4 دا دابەشی هەبێت ئەوا ئەو ساڵە بە ساڵێکی پڕ دادەنرێت، وەك ساڵی 400 ، 800 ، 1200 ، 1600 ، 1676 ، 1984 ، 2000 ، 2008 ، 2020......... بەڵام ساڵی 2001 ، 2002 ، 2003 ، 2005 .... بە ساڵێکی ئاسایی دادەنرێن. */ ساڵێکی ئاسایی کە 365 ڕۆژە بە 52 هەفتە و تاكە ڕۆژێك دادەنرێت. 365 ڕۆژ = 52 هەفتە + 1 ڕۆژ. ( یەك ڕۆژی تاکی دەمێنێتەوە). */ ساڵێکی پڕ و لیپاولیپ کە 366 ڕۆژە بە 52 هەفتە و دووتاكە ڕۆژ دادەنرێت. 366 ڕۆژ = 52 هەفتە + 2 ڕۆژ. ( دوو ڕۆژی تاکی دەمێنێتەوە). وەك ڕوونکردنەوەیەك ئەوا لە 100 ساڵدا ( چەرخێکی تەواو ) تەنیا هەر 76 ساڵی ئاسایی و 24 ساڵی پڕی تێدەکەوێت. 100 ساڵ = 76 ساڵی ئاسایی + 24 ساڵی پڕ = ( 76 × 1 + 24 × 2 ) تاك ڕۆژ. کەواتە لە 100 ساڵ/دا ئەوا 124 تاك ڕۆژی تێدەکەوێت، واتە:ــ ( 17 هەفتەی تەواو ) و 5 تاکە رٶژ دەمێنێتەوە.