بەرگی یەکەم : زێوێ و زینوێ و لاوێ هه‌رسێكیان بۆ سه‌رتاشین ده‌چنه‌ لای وەستا شه‌وكه‌ت له‌سه‌ر شه‌قامی سابوونكه‌ران. دوای ته‌واوبوون، وه‌ستا ڕوو له‌ زێوێ ده‌كات و پێی ده‌ڵێت بزانه‌ چه‌ند له‌ ده‌خیله‌‌كه‌دایه‌ هەر ئەوەندە دابنێ و 10 دیناریش هه‌ڵ بگره‌وه‌. به‌ زینوێ-یش ده‌ڵێت ئه‌وه‌نده‌ی له‌ ده‌خیله‌كه‌دایه‌ دایبنێ و 20 دیناریش هه‌ڵ بگره‌وه‌، دواجار به ‌لاوێ ده‌ڵێت ئه‌وه‌نده‌ی تێی دایه‌ دایبنێ و 30 دیناریش هه‌ڵ بگره‌وه‌. بەڵام لەدواییدا كه‌ وه‌ستا ده‌چێته‌ سه‌ر ده‌خیله‌كه‌ سه‌یر ده‌كات مایەپووچە و هیچ پاره‌یەكی تێدا نه‌ماوه‌‌ هه‌رچه‌نده‌ لای ڕوون بوو كه‌ بڕه‌ پاره‌یه‌كی تێدا دانابوو. ئاخۆ وەستا له‌پێشدا چەند دیناری لەو ده‌خیله‌یه‌دا دانابێت؟