ڕێسای بەهاکێشەکێ Associative property – چەمکێکە لە ماتەماتیک و بەتایبەتی جەبری دەرهەستدا بەکار دێت بۆ ژمێرکارییەک (جاراندن یان کۆکاری) -ی سێ ژمارە و زیادتر، ڕیزبەندیی ژمارەکان بایەخی نەبێت بە مەرجێک ڕیزبەندیی «ژمێرکارییەکە» نەگۆڕدرێت، ئەنجام هەر یەکە: (x * y) * z = x * (y * z). // (x + y) + z = x + (y + z). // بۆ زاراوەی «بەهاکێشەکێ» بڕوانە «واتاکێشەکێ» لە «زاراوەسازیی پێوانە»دا، مەسعوود محەمەد. سایتی مامۆستا www.mamosta.net

Median، لە ئاماردا مەبەست لە ئەو ژمارەییە کە دەکەوێتە کەمەر (نێوەند)ی ڕزمەیەک ژمارەوە، واتە ژمارەی ئەو بەهایانەی لە ژێر کەمەرەوەن یەکسانە بە ژمارەی بەهاکانی بان ئەو کەمەرە. بۆ نموونە: {3, 3, 5, 7, 9} «بەهای کەمەر» تێیدا پێنجە چونکە دوو ژمارەی لە ژێرە و دوو ژمارەی لە بانە. گەر ژمارەی بەهاکانی نێو ڕزمەکە جووت بن ئەوا «بەهای کەمەر» یەکسانە بە کۆی دوو بەهای کەمەر دابەش دوو، بۆ نموونە: {3, 5, 7, 9} «بەهای کەمەر» تێیدا یەکسانە بە (5 + 7) / 2 = 6.

بەهای بنەڕەتی، بەهای هاوکۆی بنەما. بەهای هاوکۆی بنەما لێرەدا وەک چەمک بەرانبەر Värdegrund ی سوێدی و value-system یان common principles ی ئینگلیزی دانراوە، مەبەست لێی کۆی ئەو بەهاگەلەیە لە جڤاکێکدا بە بنەما دەگیرێن.

سیستەمی خانەبەها: واتە ڕەنووس بە پێی خانەکەی خۆی بەهای دێتە گۆڕین، ڕەنووسی دوو گەر لە خانەی یەکان بێت دەکاتە دوو، گەر لە دەیان بێت دەبێتە بیست و لە سەدان بێت دەبێتە دووسەد... هتد.