وشەدان

سەرچاوە: نالی

وەحشیی

کێویی.

فەرقێکی نەکرد نەفسی نەفیسم بە عینایەت ،، وەحشیی لە ویلایەت
لەم گۆشەیی وێرانەیە هەر مامەوە وەک بووم ،، وەیشوومی وڵاتم

سەرچاوە: نالی

وەحشیی غەزال

ئاسکی کێویی.

لەحظەیێک و لەمحەیێک چاوم بە چاوی ناکەوێ
کێ دەڵێ وەحشیی غەزالە مەیلی ئینسانی هەیە!

سەرچاوە: نالی

پاساریی

چۆلەکە پاساریی.

فەرقی کۆساران لە پاساران دەفەرمووی وەک چییە؟
وەک عەزیزیی باز و وەک بێحورمەتیی پاسارییە

سەرچاوە: نالی

پیلەتەنیی

پاڵەوانیی.

تەنی ڕاضیی بە خەشین پۆشیی وەک شێر و شوتور
بێ نیازە لە برێشم تەنیی و پیلەتەنیی

سەرچاوە: نالی

پێشانیی

ناوچاوان.

هەر پەرچەم و پێشانییە فیکری شەو و ڕۆژم
هەر گەردەن و زوڵفە ئەمەلی دوور و درێژم

سەرچاوە: نالی

چەمەنیی

ئەوەی ڕەنگی وەک چیمەن سەوز بێ.

وەک گوڵی ئاتەشیی، خەمڵیوە بە بەرگی چەمەنیی
قامەتی نارەبەرە، ناروەرە، نارەوەنە

سەرچاوە: نالی

ڕاویی

ئەوەی قسەی پێغەمبەر ئەگێڕێتەوە دەماودەم.

شتێکە بی شەبیهـ و جینس و فەصڵ و کەشف و تەقریرە
موبەڕڕایە لە تەقریر و حەدیثی حادیث و ڕاویی

سەرچاوە: نالی

ڕاچنیی

داچڵەکا.

دیسان لە بگرە بەردەیی گوڵچین و باغەبان
بولبول کەناری گرت و دڵی غونچە ڕاچنیی

سەرچاوە: نالی

ڕوممانیی

وەک هەنار.

هەر لەبت، یا سینەشت هەردوو بەدەرخە، دا بڵێن:
لەعلی ڕوممانیی هەیە، یا لەعل و ڕوممانی هەیە

سەرچاوە: نالی

ڕوو سپیی

ئافرەتی داوێن پیس،

چاوەکەم! مەنواڕە ڕەنگی ظاهیریی
خۆ دەزانیی (ڕوو سپیی) چەند ڕوو سییان

سەرچاوە: نالی

ڕووزەردیی

خەجاڵه تیی و شەرمەزاریی، کاڵیی و زەردیی.

له خەوفی طەلعەتی ڕۆژ هەر وەکوو شێت
به ڕووزەردیی هەڵات و کەوتە کێوان

سەرچاوە: نالی

ڕیسوایی

بێئابڕوویی. شوستوشۆ. داشتن، شۆردن.

چونکە بێنی بێوەفایی و ناز و شۆخیی لێ دەهات،
ناردییە بازاڕی ڕیسوایی کە بیدا شوست و شۆی

سەرچاوە: نالی

ڕەنگڕژیی

ڕەنگڕشتن.

یەک ڕەنگم و بێ ڕەنگم و ڕەنگین بە هەموو ڕەنگ
بەم ڕەنگە دەبێ ڕەنگ ڕژیی عیشقی حەقیقیی

سەرچاوە: نالی

کادینیی

نیشتەجێی کادان.

قوش قوشی ڕاویی نەبێ، مورغی کولانە و ئاخوڕە
سەگ سەگی تازیی نەبێ، کادینیی و ئەنبارییە

سەرچاوە: نالی

کافرسانیی

کافرستانیی، وڵاتی کافران.

لەو کەسە دینی ئەتۆ نووری دڵ و ئیمانیە،
ڕوو بە زوڵفت دامەپۆشە، یەعنی کافرسانییە

سەرچاوە: نالی

کافووریی کفن

کفنی سپیی وەک کافوور.

هەتا شەققەی فەلەک نەبوە بە کافووریی کفن، هەستە
کە ئەمشەو فرصەتە، هێشتا فەلەک ماویی، ئەتۆش ماوی

سەرچاوە: نالی

گشتیی. ئیصغا

گوێشلکردن.

دیوانی گەرمی باری خودایە، بە پایە عام
ئیصغایی خەڵقە، ساعەتێکی عەرضی مەحضەرە

سەرچاوە: نالی

گو ئاتەشیی

گوڵەهەنار، گوڵێکی سوورە.

طاغیی و باغیی و، باغی گوڵ و نەیرەنگ و فەنی
شاد و شادابە بە گوڵ ئاتەشیی و نارەوەنی

سەرچاوە: نالی

گوڵگوڵیی

گوڵگوڵین. ئەوەی هەموو گیانی گوڵ بێ.

دنیا کە گوڵگوڵیی بووە، قوربان، ئەتۆش وەرە..
طالیب بە گوڵ بە، قەیدی چییە گوڵ گوڵی بوێ!

سەرچاوە: نالی

گوڵی ئاتەشیی

گوڵێکی سوورە.

وەک گوڵی ئاتەشیی، خەمڵیوە بە بەرگی چەمەنیی
قامەتی نارەبەرە، ناروەرە، نارەوەنە

تۆڕی زاراوەپارێزیی وشەدان