وشەدان

سەرچاوە: نالی

حەددی وەسەط

ڕادەی مامناوەندیی. لە زانستی مەنطیقدا (حەددی ئەوسەط) وشەی دووبارە کراوەی ناو (صوغرا) و (کوبرا) یە.

یا گەدایێکە غەنیی، یا پادشاهێکە فەقیر
لەم دووە خاڵیی نییە « نالیی » لە ڕووی حەددی وەسەط

سەرچاوە: نالی

نەوشگوفتە وەرد

گوڵی تازە پشکووتوو.

تۆ شگوفتە وەردی، من مایلم به زەردیی
تۆ هەمسەرت نەسیمه، من هەمدەمم لەهیبە

سەرچاوە: نالی

وەجاهەت

شوێن و پایه.

با بێینه سەر وەجاهەتی قەدری لەکن خودا
بۆ عاصييان له مەغفیرەت و صەرفی مەغفيره

سەرچاوە: نالی

وەجهـ

ڕوو.

پەرچەمی سونبولیی و، قەددی (قضيب البان) یی
زوڵف بەهلوولیی و، خەط زەنگیی و، وەجهی حەسەنە

سەرچاوە: نالی

وەجهـ

هۆ.

ڕووناکیی ڕوو شەوقه له نێو ظولمه تی موودا
وەجهی ئەمه ته دڵ هەموو پەروانه یی موومن

سەرچاوە: نالی

وەجە

ڕوو. بەیاض

وەجهەکەم ئیسمی بەیاض، ئەمما وەرەق زەرد و سیاە
با موخەططەط بێ بە کافووری کەشیدەی خۆش نەمەط

سەرچاوە: نالی

وەحدەت ئاشنا

ئەوەی لەگەڵ بیری خوا بە یەک زانیندا ئاشنایی هەیە.

ئەحوەلی تەفرەقە نەظەر تەقوییەتی سەبەب دەکا
عاریفی وەحدەت ئاشنا لەم قسەیە ئەدەب دەکا

سەرچاوە: نالی

وەحشی غەزال

ئاسکی کێویی،

« نالیی » ئەو وەحشی غەزالە کەس ئەبەر داوی نەکەوت
چونکە شاهێنی دوو چاوی تیژە، دائیم سەر دەکا

سەرچاوە: نالی

وەحشیی

دوورەپەرێز و کەنارەگیر.

وەحشییە لێمان لەبەر طەعنەی ڕەقیبی سەگ صیفەت
ڕاستە هەر ذیی ڕۆحێ، بۆ وەسواسە، شەیطانی هەیە

سەرچاوە: نالی

وەحشیی

کێویی.

فەرقێکی نەکرد نەفسی نەفیسم بە عینایەت ،، وەحشیی لە ویلایەت
لەم گۆشەیی وێرانەیە هەر مامەوە وەک بووم ،، وەیشوومی وڵاتم

سەرچاوە: نالی

وەحشیی غەزال

ئاسکی کێویی.

لەحظەیێک و لەمحەیێک چاوم بە چاوی ناکەوێ
کێ دەڵێ وەحشیی غەزالە مەیلی ئینسانی هەیە!

سەرچاوە: نالی

وەرد

گوڵ، یا زەویی کێڵراو کە ئامادە کرابێ بۆ تۆو تیا داچاندن.

خارایی سەوز و شینی لەبەرکردووە جەبەل
دامێنی وەردی سوورە کە دەستم بە دامەنی!

سەرچاوە: نالی

وەرد

گوڵ.

فیداکاری تەن و جان بە، لە ئاسانیی هەراسان بە
کە داغ و دەردی ڕێگەی مەککە باغ و وەردی مەردانە

سەرچاوە: نالی

وەرە ق

کاغەز.

وەجهەکەم ئیسمی بەیاض، ئەمما وەرەق زەرد و سیاە
با موخەططەط بێ بە کافووری کەشیدەی خۆش نەمەط

سەرچاوە: نالی

وەرەق

گەڵا.

خەندەی نەفەسی تۆ بو وەکوو صوبح و نەسیمی
یا گوڵ دەمی پشکوتن و عەطری وەرەقی بوو

سەرچاوە: نالی

وەرەقی دیدە

ئەو کاغەزەی ئەدرێ بەسەر دەموچاودا بۆ شاردنەوەی، دێوجامە.

صۆفییان هاتنە مەجلیس وەرەقی دیدە بشۆن
لەکن ئەو دێمییە وشکانە لە دەریا نییە باس

سەرچاوە: نالی

وەسواسە

وەسوەسە، خوتوورەی دڵ.

وەحشییە لێمان لەبەر طەعنەی ڕەقیبی سەگ صیفەت
ڕاستە هەر ذیی ڕۆحێ، بۆ وەسواسە، شەیطانی هەیە

سەرچاوە: نالی

وەسیلە

هۆی خۆ نزیککردنەوە لە خەڵک.

من لەوانەم چیی کەوا ئەهلی وەسیلە و مەسئلەن
عامیل و ناچار و مەعذوور ئەر بڵێن هەر بێنە بۆم!

سەرچاوە: نالی

وەسەط

ناوەڕاست.

کام ئاب و هەوا ؟ موعتەدیلی نەشئو نوما بێ
یەعنیی لە وەسەط کانییە گەرمێکی تێزابێ

سەرچاوە: نالی

وەضع

بار

وەضعی ئاشی گەر نەبێ، بۆچیی دەبێ پڕ ئاردەڵۆک؟!
طەبعی قوففەی گەر نەبێ، بۆچی دەنیشێتە سەراو؟!

تۆڕی زاراوەپارێزیی وشەدان