وشەدان

سەرچاوە: نالی

بابردوو. ئاوی گەوهەر

ئەو دڵۆپە بارانەی ئەکەوێتە سکی صەدەف و ئەبێ بە دوڕڕی یەکتا.

کە خاکی، خاکی دامەن بە، وەگەر نە، تۆزی بەربادی
کە ئاوی، ئاوی گەوهەر بە، وەگەر نە، بڵقی سەر ئاوی

سەرچاوە: نالی

بانگ ی دووهەم

بانگی سبەینان. بانگ کردن.

فەرمووتە کە بانگم کە، شەوێ، دێمە کەنارت
قوربان! وەرە شەو ڕۆیی، ئەوا وەعدەیی بانگە

سەرچاوە: نالی

تاق ی دووهەم

تەنها.

چ قەصر و دائیرە و تاقێ، تیا تاقی ئافاقی،
نەی و موطریب، مەی و ساقیی، گوڵ و بولبول هەموو جووتن

سەرچاوە: نالی

تەقریر –ی دووهەم -

جۆرێکە لە جۆرەکانی حەدیثی پێغەمبەر (د. خ).

شتێکە بی شەبیهـ و جینس و فەصڵ و کەشف و تەقریرە
موبەڕڕایە لە تەقریر و حەدیثی حادیث و ڕاویی

سەرچاوە: نالی

تەنی - ی دووهەم -

لەشی.

ئێمە مەردین و هەموو شێری خەشینپۆشی مەصاف
کرمی قەز هەرچی تەنیی، بو تەنی نیسوانی تەنیی

سەرچاوە: نالی

جەوهەر

جەوهەری فەرد، ئەو پارچەیەی کەرت ناکرێ.

تەبەسسوم دەردەخا حوققەی دەم و جەوهەر لەنێو ئەودا
بەڵێ مثقاڵە ذەڕڕە ظاهیرە جیلوەی لە پڕتەودا

سەرچاوە: نالی

جەوهەر

ئەو نەخشە ئاوییانەی لە خەنجەری دەبانا دەرئەکەون لە کاتی ئەمدیو و ئەودیو پێ کردنیا.

برۆت تیغێکە کە وسمەی صەیقەل و مەسلوول و مووکارە
کە عیشوەی جەوهەرە، ڕەمز و ئیشارەی ئاوی مەودایە

سەرچاوە: نالی

جەوهەری فەرد

ئەو ماددە بچکۆلەیەی بەشکردن هەڵناگرێ. بەرابەرەکەی جەوهەری مورەککەبە.

لەکن ئەو جەوهەرە فەردە لە هەیولا نییە باس
لە حیکەم پەروەرییی بوو عەلی سینا نییە باس

سەرچاوە: نالی

جەوهەریی

جەوهەردار، دەبان.

ڕاستیی جەوهەرییە تیغی زوبانی « نالیی »
نەرم و توند، ئاوی گەلووگیرە، قصەی پێ دەبڕێ..

سەرچاوە: نالی

دەستار ی دووهەم

مێزەرە.

شێخیی و سەر لنگە دەستاڕی بە دەستاری بوزورگ
ڕەندم و، دەستاری کەلـلەی من دەفە، نەک میندەفە

سەرچاوە: نالی

دەم ی دووهەم

هەناسە.

دوێنێ چ بو دەتدا به زوبان لافی کەرامەت؟!
ئەمڕۆ نەدەمت بوو، نه دەمت بوو، نە دەمت بوو!

سەرچاوە: نالی

زار ی دووهەم

ناڕەحەت.

گوتم: ئایا بە زاری خۆت دەپرسیی حاڵی زاری من؟
برۆی هێنایە یەک، وەک شکڵی (لا) یەعنی کە بێ زارم

سەرچاوە: نالی

زوهرە

یەکێکە لە ئەستێرە گەورە گەڕۆکەکان، پێیشی ئەڵێن زوهرەی ڕەققاص، واتە سەماکەر، ئەستێرەی ناهید.

شەو چەپکەنی نەیلۆفەڕی و جیلوەیی ڕەقصی
شەرمندە دەکا زوهرەیی زەهرا لە سەمادا

سەرچاوە: نالی

زوههاد

جەمعی زاهیدە، واتە ئەوەی دەستی لە دنیا داشۆریبێ.

نەوای ئاهەنگی (قد قامت) طەریقی جەمعی زوههادە
قەد و قامەت بە لەهجەی ڕاستیی طووبایی عوششاقە

سەرچاوە: نالی

سوها

یەکێکە کە ئەستێرە نادیارەکانی تیشکی خۆر لە دەمێکی بچکۆلانەی وەک ئەستێرەی سوهاوە بڵاو ئەکاتەوە کە لە بچکۆلەییدا وەک جەوهەری فەرد وایە. یەکێکە لە ئەستێرەکانی حەوتەوانە بەئاسانیی نابینرێ.

خۆش صوبح دەمێکە کە بە خەندە دەنوێنێ
بەس ذەڕڕەیی خۆرشید لە ذەڕڕێکی سوهادا

سەرچاوە: نالی

سوهەیل

ئەستێرەی گەشی سوهەیل کە نیشانەی پایزە و کە هەڵات ئیتر گەڵای دار دەست ئەکا بە زەردبوون.

تیژاوی سوروشکم وەکو ئیکسیری سوهەیلە
ڕوخسارەیی زەردم وەکوو ئەوراقی خەزانە

سەرچاوە: نالی

سەودا ی دووهەم

خەیاڵ. عەشق

عومرێکی درێژە بە خەیاڵی سەری زوڵفت
سەوداوو پەرێشانم و، سەودایەکی خاوە

سەرچاوە: نالی

شوهب

ئەو ئەستێرانەی بە ئاسمانا ئەکشێن.

سماقی ئەحمەرە، یا قووتی ڕۆح و ئاگری نەفسە؟!
حەصاتی ئەبیەضە، یا شوهب و نەجمی ڕەجمی شەیطانە؟!

سەرچاوە: نالی

شۆراو ی دووهەم

شۆرئاو، ئاوی سوێر.

دیدەم هەمو شۆراوە بە شۆراوی سوروشکم
لەم لەوحە نیگارینە نە عەین و نە ئەثەر ما

سەرچاوە: نالی

شەمامە - ی دووهەم -

مەمک.

له بوستانی (ئیرەم) دا قەط نییە وەک
شەمامەی وەک شەمامه ی وەک شەمامەی

تۆڕی زاراوەپارێزیی وشەدان