وشەدان

سەرچاوە: نالی

م وجەوهەر

گەوهەراویی، به گەوهەر ڕازێنراوە.

عەرشی بەرین که دائیرەیە، ڕەوضە مەرکەزە
فەرشی زەمین به عەرصەیی طەیبه موجەوهەرە

سەرچاوە: نالی

وجوود

گیان، لەش.

زەمانە چەرخ و، چەرخی ئاسمانیشی، فەلەک فیلکە
سەری ڕشتەی وجوودی چەندە باداویی و هەر ماوی

سەرچاوە: نالی

وجوود

بوون. ذات.

ئەگەر عالەم ببێتە خەلعەتی تەشریفی سەرتاپای،
وجوودی بێ وجوودی بێ موباهات و موجەڕڕەد بێ!

سەرچاوە: نالی

بێوجوود

ناچیز.

بێ تووکی جیفە خواریی و گورگین و بێ وجوود
لەم ئاو و خاکه ظاهیر و باطین موکه ددەرە

سەرچاوە: نالی

بەدری دوجا

مانگی چواردە کە شەوی تاریک ڕووناک ئەکاتەوە.

بە فەرموودەی خودا فەرمووی: بفەرموو! هەستە هەر ئیستە
لەجێی بەدری دوجا و دوڕڕی یەکتا، دوڕڕی یەکدانە

سەرچاوە: نالی

حوججەت

بەڵگە. هێز. توند.

نیشانەی پوختەگیی بێ دەنگییە « نالیی »! ئەگەر پوختەی
بە حوججەت طەی بکە نامە، بە حیددەت پەی بکە خامە

سەرچاوە: نالی

حوجرە

ژوورێکه لە پاڵ مزگەوتدا فەقێ تیا ئەژین و تیا ئەخوێنن.

وەک قە فەس ئەم حوجرە کون تێیە کەوا گرتوومیە ناو
تار و پۆیی عەنکەبووتە، زۆرە لێی کردوومه داو

سەرچاوە: نالی

سوجدە

سوجدەی سەهو کە لە هەندێ حاڵەتی بەهەڵەداچوونی ناو نوێژدا بەر لە سەلام دانەوە - ئەبرێ.

سەوادی طوڕڕەیی ئەو ئیشتیباهی سەهوی جوان
بەیاضی غوڕڕەیی ئەم ئینتیباهی سوجدەیی پیر

سەرچاوە: نالی

سووجود

جەمعی (ساجید) ه واته سوجدەبەر.

ئەو شاهی ماهی میسره، ئەهالیی له ڕێی سوجوود
قورئان دەڵێ که بەنده ئەمەو بەنده پەروەرە

سەرچاوە: نالی

عوجب

لەخۆڕازییبوون.

« نالیی » کە ویقاری نییە، بێباکە لە خەڵقیی
صۆفیی کە سلووکێکیی هەیە، عوجب و ڕیایە

سەرچاوە: نالی

موجەززا

لە یەک جیا بووەوە و شیرازە تێکچوو. پارچە پارچە بوو.

وەها سەقیم و موجەززا عەوامیلی ئەجزا
کە ئالەتی عەمەلی نەحوی مەحوی صەحوی ضەمیر

سەرچاوە: نالی

موجەوهەر

پڕ لە گەوهەر.

دورجێکی موجەوهەر کە هەموو حوسن و بەها بێ
دوڕڕێکی مونەووەر کە هەموو ئاوی صەفا بێ

سەرچاوە: نالی

موجەڕڕەد

ڕووت.

خۆشا ڕەندێ لە دنیا بێ موبالات و موجەڕڕەد بێ!
بە ڕۆژ زیندەی جەماعەت بێ، بە شەو مات و موجەڕڕەد بێ!

سەرچاوە: نالی

نوجووم

ئەستێرەکان.

ئەو سێبەرە که عاله می عولووی له نوورییه
شەمس و نوجووم هەر چی لەواندا موقوڕڕەڕە

سەرچاوە: نالی

ئەوج

لووتکە. بەرزترین پلەی ئەستێرە. بەرزی

ئەی قەلعەیی ماهم کە دەڵێی ئەوجی بورووجی!
وەی قوللەیی دووریی کە دەڵێی قامەتی عووجی!

سەرچاوە: نالی

ئەوج

چڵه پۆپه. ئاوازێکی مۆسیقایە.

گوتم: ڕاستی صەبا هەڵسە! گوتی: مەشرەب موخالیفیە
گوتم: نارێ، گوتی: بایە، گوتم: ئەوجێ، گوتی دوورە

سەرچاوە: نالی

بورووج

جەمعی بورجە، بەمەعنا قەڵا، یا هەرکام لە دوانزە بورجەکەی ئاسمان.

ئەی قەلعەیی ماهم کە دەڵێی ئەوجی بورووجی!
وەی قوللەیی دووریی کە دەڵێی قامەتی عووجی!

سەرچاوە: نالی

دورووج

جەمعی دورجە واتە ئەو سندووقە بچکۆلەیەی کە ئافرەتان شتی گرانبەهای خۆیانی تیا هەڵئەگرن.

ئەی ئاهووی نادیدە بە تەئثیری مەهیبیی
یا گەوهەری ئەصدافیی و یاقووتی دورووجیی

سەرچاوە: نالی

سورووج

جەمعی سەرجە واتە زین.

بۆ مەجلیس و یاریی سەبەبی شەوق و سیراجیی
بۆ ڕاو و سواریی عەلەمی زین و سورووجی

سەرچاوە: نالی

عورووج

بۆ سەرکەوتن.

وەک قافی زەمین قابیلی ئیمکال و تەرەققیی..
وەک بورجی سەما لایقی ئیقبال و عورووجی!

سەرچاوە: نالی

عووج

عووجی کوڕی عەننەق، زەلامێکی ئەفسانەییە ئەڵێن باڵای ئەوەندە بەرز بووە بە دەستێکی ماسیی لە بنی دەریا دەرهێناوە و، بەو دەستەکەی داویەتە بەر خۆر برژاندوویەتی!

ئەی قەلعەیی ماهم کە دەڵێی ئەوجی بورووجی!
وەی قوللەیی دووریی کە دەڵێی قامەتی عووجی!

سەرچاوە: نالی

لەجوج

منجڕ.

هەر چەنده دەکەن قەطعی سەرت، دێیەوه کەی خەط
وەك (هیندووی سەححاری مەجووسیی) چ له جووجی!

سەرچاوە: نالی

مەوج

شەپۆل.

کاسێکی بلوورینی نخونیی لە سەرابێ
نەختێکی لەبەر مەوجی لەطافەت قڵەشابێ

تۆڕی زاراوەپارێزیی وشەدان