وشەدان

سەرچاوە: نالی

شۆراو ی دووهەم

شۆرئاو، ئاوی سوێر.

دیدەم هەمو شۆراوە بە شۆراوی سوروشکم
لەم لەوحە نیگارینە نە عەین و نە ئەثەر ما

سەرچاوە: نالی

شەمامە - ی دووهەم -

مەمک.

له بوستانی (ئیرەم) دا قەط نییە وەک
شەمامەی وەک شەمامه ی وەک شەمامەی

سەرچاوە: نالی

طوڕڕە ی دووهەم

مۆر، نیشانەی.

شایستەیی شان، لایقی مل طوڕڕەیی تۆیە
نەک طوڕڕەیی شاهەنشەهی و طەوقی وەزارەت

سەرچاوە: نالی

عەبهەر

کەڵەگەت و زەلام. نەرگس.

ئایا قەد و قیافەیی خۆی بوو بە کێلی خۆی،
یا ساقی عەبهەرە کە دو چاوی لەسەر سەرە!

سەرچاوە: نالی

فاقە ی دووهەم

تەڵە، داو.

صۆفیی لە فەقر و فاقە وەکو فاقە فاقی دا
تەسبیحی دام و دانەیە، ڕیشی دو فاقی فاق

سەرچاوە: نالی

قوربان - ی دووهەم -

قوربانیی. (ی) کەی ضەمیری غائیبە.

هەر کەسێ ڕووی تۆ دەبینێ، خۆی بە قوربانت دەکا
چونکە ئەبرۆی تۆ هیلالی عیدە، قوربانی دەوێ

سەرچاوە: نالی

م وجەوهەر

گەوهەراویی، به گەوهەر ڕازێنراوە.

عەرشی بەرین که دائیرەیە، ڕەوضە مەرکەزە
فەرشی زەمین به عەرصەیی طەیبه موجەوهەرە

سەرچاوە: نالی

مشت ی دووهەم

مشتو.

چ مشت و پەنجە؟ وەکوو مشتی شانە ڕەق کە دەڵێی
لە شانیدا نەبووە دەستوبردی کوشتوگیر

سەرچاوە: نالی

موجەوهەر

پڕ لە گەوهەر.

دورجێکی موجەوهەر کە هەموو حوسن و بەها بێ
دوڕڕێکی مونەووەر کە هەموو ئاوی صەفا بێ

سەرچاوە: نالی

مولهەم

له خواوەهاتوو و خوا خستووە دڵ. هەم قەدەمت، هاوپێت. پێیشت، پێ قودوومت.

حیکمه تی تۆ مولهەمه، هەم قەدەمت مەرحەمە
موستەحەقی مەرهەمه سینەیی ئەفگاری من

سەرچاوە: نالی

مەردوم - ی دووهەم -

گلێنەی چاو.

نییه دیدەیی چ مەردوم، نییە مەردومی چ دیدە
لە فرووغی خەددی فاریغ، لە خەیاڵی خاڵی خاڵیی

سەرچاوە: نالی

مەرهەم

مەڵهەم، دەرمان،

حیکمه تی تۆ مولهەمه، هەم قەدەمت مەرحەمە
موستەحەقی مەرهەمه سینەیی ئەفگاری من

سەرچاوە: نالی

مەشهەد

جێگەی کۆبوونەوەی خەڵک.

ئەی مەسجید و میحرابگەهت قیبلەیی حاجات ،، بۆ ئەهلی موناجات!
مەحجووبی هەوام و ئەمەتە مەشهوودی مەعلووم ،، بۆ ڕاهی نەجاتم

سەرچاوە: نالی

مەطهەر

شوێنی پاکبوونەوەی گیانی گوناهبار له گوناه.

یەعنی گوڵاوی قودسه گڵاویی ڕەفع ئەکا
ئەو خاکه چاکه پاکەوو ئەو ئاوە مەطهەرە

سەرچاوە: نالی

مەظهەر

شوێنێ دیاریی دان،

ئەو سێبەرە که مەظهەری حوببی خوادییه
کەنزی موطەلسەمی نەظەری حەییی ئەکبەرە

سەرچاوە: نالی

مەقام ی دووهەم

مەقامی حەزرەتی ئیبراهیم، شوێنێکە لە کەعبە ئەڵێن ئیبراهیم نوێژی تیا کردووە.

مەقام و زەمزمەی حادیی، لە شەوقی کەعبە و حوجرەی
مەقام و زەمزەمە، وا ئوشتری هێنانە جۆلانە

سەرچاوە: نالی

نەزهەتگەهـ

شوێنی ڕابواردن و سەیران.

یا گومبەدی نەزهەتگەهی نێو باغچەسەرا بێ
ئەلوانی گوڵامێز و شەکەربێزی تیابێ؟!

سەرچاوە: نالی

نەی - ی دووهەم -

یاری باڵا وەک داری شمشاڵ بەرز.

وەرە، موطریب، به کوێریی چاوی ئەغیار
صەدای نەی دێ، ص ەدای نەی دێ، صەدای نەی

سەرچاوە: نالی

نەی - ی سێهەم -

(نە) و (ی) ی ضەمیری غائیب.

وەرە، موطریب، به کوێریی چاوی ئەغیار
صەدای نەی دێ، ص ەدای نەی دێ، صەدای نەی

سەرچاوە: نالی

هەلهەلە

هەلەلە، قریوەکردن.

بنواڕە وشکەصۆفیی و ڕەقصی بە هەلهەلە
دیسان لە بەحری وشکی هەوا کەوتە پێمەلە

تۆڕی زاراوەپارێزیی وشەدان