سندووق یا قوتووی بۆن خۆشیی.

ئەی قوببەیی طەیبە کە دەڵێی حوققەیی طیبی! ،، مەئوایی حەبیبی!
مسکێنم و بۆ خاکی عەطرناکە کە هاتووم ،، بەو بۆنەوە هاتم

وردیی. باریکی.

شیعری خەڵقی کەی دەگاتە شیعری من بۆ نازکی؟!
کەی لە دیققەتدا پەتک دەعوا لەگەڵ هەودا دەکا؟!

دیارە. بێگومان.

موحەققەق مەشرەبی « نالیی » لە شیعرا هەروەکوو « خاکیی »
خەیاڵی « کوردی » یە، بەیتی سەراپا زوڵفی دوو تایە

ناسکیی.

ڕەققێتیی تەن و، ڕیققەتی دڵ، ڕوقبەتی طاعەت
مەخصووصی ڕەقیب بۆ له منی خەستە ڕقی بوو!

ئاسمان.

حوققەی فەلەکول ئەطلەس و ئەستوونەیی زێڕین
بێ بییکە بە تارای سەر و ترکەی خەز و واڵا

سندووقی بچکۆلانەی بۆنخۆشیی و وردە شتی پێویستی ئافرەتە.

حوققێکی زەڕی صافی لەسەر بانی نرابێ
نەختێکی بە صەد صەنعەتی (مانیی) قڵەشابێ؟!

پارچە قوماش.

هەتا شەققەی فەلەک نەبوە بە کافووریی کفن، هەستە
کە ئەمشەو فرصەتە، هێشتا فەلەک ماویی، ئەتۆش ماوی