جەمعی عاشقە واتە دڵدار.

نەوای ئاهەنگی (قد قامت) طەریقی جەمعی زوههادە
قەد و قامەت بە لەهجەی ڕاستیی طووبایی عوششاقە

مژده پێدراو.

ڕەحمەت به حوسنی صوورەتی ئینسان ظوهوری کرد
(خَیْرُ الْبَشَر) لەقەب به شەفاعەت مووبەششەره

مێشوولە.

بەو دەننی فوراتە کە دەکا پەششە بە عەنقا،
نەک لەو خومی نیلە کە دەکا باخە بە تیمساح،

تەفسیرێکی قورئانە ناوی (الکشاف عن حقائق التنزیل، و عیون القاویل، في وجوه التاویل) ە، موحەممەدی کوڕی عومری خواڕەزمیی (٤٧٦ – ٥٣٨ی. ک ١٠٨٣، ١٠٨٤ – ١١٤٣، ١١٤٤ی. ز) دایناوە. تەفسیرێکە بەپێی ڕێبازی بیری موعتەزیلە و لەبارەی دەڕبڕینی ڕووەکانی ڕەوانبێژیی قورئانەوە پایەیەکی باڵای هەیە.

لە قورئاندا بە (ما اُخْفِی لَهُمْ) مەکتووم و مەختوومە
بەیان نابێ بە تەفسیری دوصەد (کەششاف) و (بەیضاویی)

هاتنە جۆش و هەڵقوڵان. کوڵان.

هەر جۆگە و جێگێکی کە وا سوور و سوێر بێ
جێی جۆششی گریانی منە و خوێنە ڕژاوە

هاتوچۆ و بەیەکا هاتن.

زەڕڕاتی عوکووسی کەششی میهری جەلالن
وا دێن و دەچن سەرزەدە سوڵطان و شەهەنشا

بەکێشکردن.

گەردەن کەچی تۆم بێ کەشش و ڕست و قەلادە
وا ظەن مەبە ناعارف و هەرزە مەرەسێکم