گوڵێکی سوورە، ئەڵێن کە بنیادەم پێ بکەنێ. ئەو لە ناسکیدا لەت ئەبێ.

ئەم بچێ، ئەو دادەنیشێ دەم وەکوو گوڵ خەندەران
ئەم دەبێ هەستێ کە ئەو بێ، چاو یەک و قەطرە هەزار

ڕازاندنەوە.

تەرکی ئارایشی تەن نەقدی ڕەواجی عەرەبە
تۆ عەجەم، مەردی موزەخرەف تەنیی و قەڵبەزەنی

حاجیی بەرلەوەی بگاتە مەککە، لە چەند کیلۆمەترێک دوور لە مەککەوە بەرگی تایبەتیی خۆی دائەکەنێ و بەرگێکی تری تایبەتیی لەخۆیەوە ئەپێچێ دروومانی تیا نەکراوە، هەروەها هەندێ کردەوەی تایبەتیشی لێ حەرام ئەبێ وەک ڕاوکردن و سەربڕینی حەیوان و هەر جۆرە خوێن ڕشتنێک و، وەک چوونە لای ئافرەت. بەوە ئەڵێن حاڵەتی ئیحرام.

من لە ئیحرامی ئەدەبدام و، ئەتۆش صەیدی حەرەم
موددەعیی، هەروەکو سەگ، بۆچی بە ئێمە دەوەڕێ؟!

بەرگی ئیحرام، قوماشێکی نەدووراوە حاجی لە کاتی حەجدا ئەیکاتەبەر.

تەنی حاجی لەسەر چوارچێوەیی ناجیی دەڵێی نەعشە
لوعابی خۆر لەسەر ئیحرامی وەک کافووری ئەکفانە

دارێکە لە لقەکانی، سیواک دروست ئەکەن و لەکاتی دەستنوێژگرتن و گەلێ کاتیتریشدا بەپێی ڕەوشتی پێغەمبەر (د. خ) ئەیهێنن بە دەما بۆ پاک کردنەوەی بێخی ددان و خۆش کردنی تامی دەم.

داری ئیراک و داری هیند هەردوو کە عوودە ئیسمیان
هەمدەمی سوننەتە ئەوەم مەیلی ئەبوولەهەب دەکا

پێ خواردنەوە.

بەو شەهدی کەلامەت کە بە ئیشرابی لەطافەت
لەذذەت دەگەیێنی بە دڵ و ذیهنی موخاطەب

هەڵهاتن.

(بَرِقَ الْبَصَر) لەبەر بەرق تەلەئلوئی لەئالی
(خَسِفَ الْقَمَر) لە ئیشراق قیامەتی جەمالیی

تیشکدانەوە.

کەعبە ئیشراقی وەکوو خورشیدە، من چاوم ضەعیف
لێم بووە ڕۆشن کە بوعدی قوربە، قوربی بوعدە بۆم!

ڕازی پەی بردن بە ڕاستی و ڕێگە دۆزینەوە بۆ لای خودا.

وا چاکە خەیاڵ و خەوت ئەسراری هودا بێ
نەک بەحثی سوروور و عەلەم و بادی هەوا بێ..

گەڵا. موقەددیمە. لای پێشەوە. قەراخ. سەرەتا.

مەیلێ بکە لە سەبزە درەختانی مەدرەسە:
ئەوراقیان موقەددیمەیی شینە یا نە سوور؟

گەڵای پایز.

تیژاوی سوروشکم وەکو ئیکسیری سوهەیلە
ڕوخسارەیی زەردم وەکوو ئەوراقی خەزانە

دێیەکە لە ناوچەی چوارتا لە هەرێمی شارباژێر.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)

سەیدی باراویی.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)

خەڵات.

ئەی مەطڵەعی ئەنواری هەموو قاصیی و دانیی ،، شەمسی صەمەدانیی
وەک ذەڕڕەیی بێ جیلوە نە مەوجوود و نە مەعدووم ،، جۆیایی بەراتم

ئەو بەراتەی بۆ پیاوچاکان تەرخان ئەکرێ کە پێی بژین و خەریکی خواپەرستیی خۆیان بن.

لامەدە « نالیی » لە ئەنباری جیرایەی صاڵحان
گەرچی ببیە خۆشەچینی دانەیی خەرمانی ڕۆم

گەرما.

ئەکثەر کەسینه، تابیعی بەرد و حەرارەتە
یەعنیی وەقوودی نارە، بوخاری موسەییەرە

گەرمانوێن.

غەیری تەڕییی عیشقی حەرارەتنوما، نەما
بەفریش لە سەرد و گەرمی خەجاڵەت توایەوە

سەرسام.

لە هیجری یووسفی میعراجی، یەعقووبی فەلەک، چاوی
نوجوومی بوو سپی، هێشتاکو هەر حەیران و سەهرانە

ئەو سەرخۆشەی لەتامبەدەر سەرخۆش بێ، کە پێیشی ئەڵێن بەدمەست.

کوشتەی نیگاهی دیدەتە، گەر مەست، ئەگەر خەراب
بەستەی کەمەندی زوڵفتە، گەر شێخ، ئەگەر سولووک

کەلاوە کۆن و وێرانە.

ئەگەر تەکیە، ئەگەر شێخە، هەموو داوی عەلایق بوون
بڵا « نالیی » بچێ مەستی خەرابات و موجەڕڕەد بێ!