تۆڕی زاراوەپارێزیی وشەدان

X
   
 
   


سەرچاوە: نالی
وەرەقی دیدە
ئەو کاغەزەی ئەدرێ بەسەر دەموچاودا بۆ شاردنەوەی، دێوجامە.

صۆفییان هاتنە مەجلیس وەرەقی دیدە بشۆن
لەکن ئەو دێمییە وشکانە لە دەریا نییە باس
سەرچاوە: نالی
خۆکردییە
دەسکردی خۆماڵییە،

کەس بە ئەلفاظم نەڵێ خۆ کوردییە خۆ کردییە
هەر کەسێ نادان نەبێ خۆی طالیبی مەعنا دەکا
سەرچاوە: نالی
ئیدیی
ئیتر. عاشقی تەجریدیی ئەوەی دوور لە ماددە دڵداریی بکا.

« نالیی » خۆشە نەومیدی، دڵ بەستە مەبە ئیدیی..
گەر عاشقی تەجریدی، لەم یار و دیارەت چی!
سەرچاوە: نالی
بادیی
بایی.

ئەی دەراتوو لە دوو مەجرایی دو میزابی مەبال
مەبە بادیی وەکو خەرزیهـ بەهەوای کیبر و مەنیی
سەرچاوە: نالی
تەحدیثی نیعمەت
باس کردنی ناز و نیعمەتی گەورە گەوران.

ئەو کەسە تەحدیثی نیعمەت بێ موراد و مەطلەبی
میثلی « نالیی » ئیمتیثالی ئەمری یەزدانی دەکا
سەرچاوە: نالی
حادیث
شتێ نەبووبێ و پەیدا بووبێ، دژی (قەدیم) ە. حادیث و قەدیم لە بابەت و زاراوەکانی عیلمی کەلامن.

شتێکە بی شەبیهـ و جینس و فەصڵ و کەشف و تەقریرە
موبەڕڕایە لە تەقریر و حەدیثی حادیث و ڕاویی
سەرچاوە: نالی
حادیی
ئەوەی کە وشتر ڕائەکێشی و وردە وردە لەبەر خۆیەوە گۆرانی بۆ ئەڵێ.

مەقام و زەمزمەی حادیی، لە شەوقی کەعبە و حوجرەی
مەقام و زەمزەمە، وا ئوشتری هێنانە جۆلانە
سەرچاوە: نالی
حەدیث
قسە. فەرموودە یا کردەوەی پێغەمبەر (د. خ) یا ئەوەی پێی زانیبێ و ناڕەزایی لێ دەرنەبڕیبێ. حەداثەت. لاوێتیی. حەدیث بە (حدَّثني) گێڕانەوە.

تێدا حەدیثی حەداثەت ضەعیف و مەترووکە
کە قەطعە صیححەتی ئیسنادی عەنعەنی تەقریر
سەرچاوە: نالی
حەوادیث
جەمعی حادیثەیە واتە ڕووداو.

حەوادیث جام و دەوران بوو بە ساقی
لە بەزمی جامی جەمشیدی نەما باس
سەرچاوە: نالی
خودیی
ئاگا لای خۆ بوون.

ئەو نەشئە کەوا ساقیی منی پێ له خودیی سەند
نەک نەوعە ڕەقێ بوو که له قەطرەی عەرەقی بوو،
سەرچاوە: نالی
خورسەندیی
شادمانیی.

مەدرەسە، مەحبەسەیە، مەبحەثەیی وەسوەسەیە
کەسی تێدا هەیە، ئەمما خۆش و خورسەندی نییە
سەرچاوە: نالی
دڵ به ردیی
دڵڕەقیی وەک بەرد. بێڕەحمیی. ب ێ عەینیی، بعینه، دەق وەک..

به جان سەختیی و دڵ بەردی، من و تۆ
بیعەینیی هەروکوو پۆڵاوو بەردین
سەرچاوە: نالی
صیددیق
زۆر ڕاستگۆ، حەزرەتی یووسف. لە قورئاندا هەیە « یوسف ایها الصدیق..» واتە

صیددیق و عەزیز هەروەک یووسف کە نەبی بوو کوڕ
صیددیقەیی مەعصوومە وەک داکی مەسیحا کچ
سەرچاوە: نالی
صیددیقەیی مەعصوومە
ئافرەتی باوەڕپێکراوی بێگوناهـ، حەزرەتی مریەمی دایکی مەسیح.

صیددیق و عەزیز هەروەک یووسف کە نەبی بوو کوڕ
صیددیقەیی مەعصوومە وەک داکی مەسیحا کچ
سەرچاوە: نالی
عامیلی تەقدیر
لە نەحوی زمانی عەرەبیدا جۆرە عامیلێک هەیە کاریش ئەکاتە پاشەوەی و خۆیشی نییە، بە خەیاڵ دائەنرێ، ئەوە پێی ئەڵێن عامیلی تەقدیری. قەزا و قەدەری خوا.

حورووفی جەڕڕە تێیاندا نەماوە ئاوی عەمەل
هەموو موعەللەق و مولغایی عامیلی تەقدیر
سەرچاوە: نالی
عەدیل
هاوتا، هاوڕێ.

قیصصە بێ پەردە و کینایەت خۆشە: شاهی من کەوا
عادیلێ بوو قەت عەدیلی ئەو له دنیا نەبوو،
سەرچاوە: نالی
قیندیل
چرا. قەرقەف

جامی تاقی مەیکەدە میشکاتی قیندیلی دڵە
شیشە پڕ قەرقەف لە ڕەفڕەف شاهی عالی ڕەفڕەفە
سەرچاوە: نالی
قەدیفە
قەیفە.

لەم پارچەڵۆکە هەورە بە قەد ڕووی هەموو زەمین
بەم ڕایەڵە قەدیفەیی سەوزی عەجەب تەنیی
سەرچاوە: نالی
قەندیل
چیای قەندیل لە ڕۆژەڵاتی باکووری کوردستانی عێراق.

یاخۆ پەڵە بەفرێکی کە ئەصڵەن نەشکابێ
قەندیلی مونیر و گوزەری ئاب و هەوا بی
سەرچاوە: نالی
موعتەدیل
گونجاو. فێنک.

کام ئاب و هەوا ؟ موعتەدیلی نەشئو نوما بێ
یەعنیی لە وەسەط کانییە گەرمێکی تێزابێ
سەرچاوە: نالی
مەدینەی مونەووەرە
شاری نوورانیی و پیرۆز، شاری مەدینه که پێغەمبەر له مەککەوە کۆچی بۆ کرد و لەوێ وەفاتی کرد.

ئەی ساکینی ڕیاضی مەدینەی مونەووەرە
لوطفێ بکه، بفەرموو: مەدینەی منە و، وەرە

مافی لەبەرگرتنەوە © 2014 - 2024 وشەدان
پ‌.هـ.د پێوەندی هاوکێش وەرگرتنی قەدبڕی سایت