وشەدان

سەرچاوە: نالی

شەش جانیب

شەش لا، سەر و خوار و ڕاست و چەپ و بەر و دوا.

جێگایێ نەظەرگا بێ، شەش جانیبی دەریا بێ،
ئەی مەردومی سەیرانیی، لەم خیططەیە هەر چاوە

سەرچاوە: نالی

بیجادە

جۆرە یاقوتێکە.

سم وەکوو یەشم و لە پەشم و تووکی پێدا سەرنگوون
چاو وەکوو بیجادە یا دوو شەو چراغی شوعلە ڕێژ

سەرچاوە: نالی

بێجان

بێگیان.

لە پێت ئاڵاوە حەڵقەی ماری گێسووت
عەجایەب حەییی بێ جان قەیدی موطڵەق!

سەرچاوە: نالی

حیجاب

پەردە. دەرگاوان.

بەس گریە بکە بۆ پدەر و بابی حیجابت
بێ بابیی تۆ مووریثە بۆ وەصڵ و مولاقات!

سەرچاوە: نالی

حیجاز

وڵاتی حیجاز. ئاوازێکی مۆسیقایە.

طالیبی ڕاهی (حیجاز) م، لە (موخالیف) هەڵدەن
بێ (نەوا) قەلبی حەزینم قەوەتی بەندی نییە

سەرچاوە: نالی

خەراجات

خەرج و باج.

فیدای تەشریفی ڕێگەت بێ خەراجات و خەزێنەی دڵ
نیثاری تۆزی پێت بێ گەر لە چاودا قەطرەیێ مابێ

سەرچاوە: نالی

دەججال

هەڵخەڵەتێن و درۆزن. کابرایەکی ساختەچییە بەر لە قیامەت پەیدا ئەبێ و خەڵکێکی زۆری پێ هەڵئەخەڵەتێ پاشان لەسەر دەستی موحەممەدی مەهدیدا ئەکوژرێ... ئەڵێن یەک چاویشی هەیە.

خۆی کردووە بە گەورە و و قەڕڕاڵی موڵکی تەن
پشت و وەزیری ئەو سەگە دەججالی ئەعوەرە

سەرچاوە: نالی

شیوەنم یەکجارییە

شیوەنی مەرگمە.

با ڕەفیقانم بکەن شینم کە وەقتی زارییە
قەط مەکەن تەقصیر لە گریان، شیوەنم یەگجارییە

سەرچاوە: نالی

عیشقی مەجازی

لای ئەهلی دڵ عیشق دوو جۆرە، عیشقی حەقیقی کە عیشقی خوایە و عیشقی مەجازی کە عیشقی جینسییە.

عیشقت، کە مەجازی بێ، خواهیش مەکە ئیللا کچ
شیرین کچ و لەیلا کچ و سەلما کچ و عەذرا کچ

سەرچاوە: نالی

قیبلەیی حاجات

ئەو شوێنەی موحتاجان ڕووی تێ ئەکەن.

ئەی مەسجید و میحرابگەهت قیبلەیی حاجات ،، بۆ ئەهلی موناجات!
مەحجووبی هەوام و ئەمەتە مەشهوودی مەعلووم ،، بۆ ڕاهی نەجاتم

سەرچاوە: نالی

لاجانگ

نێوانی چاو و گوێ.

صۆفیی و سەر و مێزەر، من و زوڵف و سەر و دەسماڵ
من کوشتەیی لاجانگم و، ئەو کوشتەیی جانگە

سەرچاوە: نالی

لەبی مەرجان

لێوی وەک مەرجان سوور.

شیرەیی جانە وتم یا مەیە؟ چا بوو فەرمووی
عەکسی لەعلی لەبی مەرجانە لە فنجانمدا

سەرچاوە: نالی

موناجات

پاڕانەوە لە خوا لەژێر لێوەوە، بە کزی. مەحجووب.

بێ بابی مورادی من و تۆ بوو بە تەمەننا
بێ بابی دوعایی من و تۆ بوو بە موناجات

سەرچاوە: نالی

موناجاتی سەحەر

پاڕانەوە لە خوا لە کاتی بەرەبەیاندا.

« نالیی » خەبەری بێ ئەثەری غائیبە، ئەمما
ناڵێکی حەزین دێ لە موناجاتی سەحەردا

سەرچاوە: نالی

مەجاز

ئەو وشەیەی لە غەیری مەعنای ڕاستەقینەیدا بەکارهێنرابێ بەمەرجی بوونی پەیوەندییەک لەنێوان مەعنا ڕاستەقینەکە و مەعنا مەجازییەکەدا.

ظاهیر و باطین، لەسەر لەوحی حەقیقەت یا مەجاز
ئاشنای سیڕڕی قەڵەم بێ، غەیری « نالیی » کەس نەما

سەرچاوە: نالی

مەرجان

گیاندارێکی دەریاییە وەک گیا وایە، چەسپ بووە بە زەوییەوە، سوور و سپیی و ڕەشی هەیە. بۆ جوانیی لە جەواهیرسازیدا بەکاری دێنن.

یەمی دیدە پڕ لە مەرجان، وەک یەشمی ئابدارە
شەبەیە شەبیهی زوڵفی سیاهی وەک زوخاڵیی

سەرچاوە: نالی

نەججاشیی

نازناوی پادشاهانی ئەوسای حەبەشە بووە.

صەد حەیفی لە بۆ کەعبەیی حوسنت کە بەسەریا
نەججاشیی خەط هاتووە نێزیکە خورووجی

سەرچاوە: نالی

وەجاهەت

شوێن و پایه.

با بێینه سەر وەجاهەتی قەدری لەکن خودا
بۆ عاصييان له مەغفیرەت و صەرفی مەغفيره

سەرچاوە: نالی

گونجایش

گونجان.

عیشقت لە دڵ و دیدەیی پڕ ئەشک و ئەلەمدا
گونجایش و تەسکینی نییە، زۆرە لە کەمدا!

سەرچاوە: نالی

ئیلتیجا

پەنا، هاوار، تکا.

قوربان! دەخیلی حەلقەیی شوبباکی ڕەوضەتم
سێ ئیلتیجام هەیە، کە لەگەڵ ئەو دووەم شەڕە

سەرچاوە: نالی

بەدری دوجا

مانگی چواردە کە شەوی تاریک ڕووناک ئەکاتەوە.

بە فەرموودەی خودا فەرمووی: بفەرموو! هەستە هەر ئیستە
لەجێی بەدری دوجا و دوڕڕی یەکتا، دوڕڕی یەکدانە

سەرچاوە: نالی

ڕەجا

ئومێد. خەوف و ڕەجا دوو حاڵەتی تایبەتین لە موسوڵمانی ڕاستەقینەدا کۆئەبنەوە، لەلایەکەوە هەرگیز ترسی خودای لە دڵ دەرناچێ و لە لایەکی کەشەوە هەمیشە هیوای ڕەحمی خوای لە دڵدایە و نائومێد نابێ.

شەربەتی خەوف و ڕەجای ئەغیار و یار
ترش و شیرین هەم دەچێژم، هەم دەخۆم

تۆڕی زاراوەپارێزیی وشەدان