وشەدان

سەرچاوە: نالی

بەرجەستە

هەڵکەوتوو.

وەرە سەیری خیابان و بەیاضی دەفتەری نالیی
کە صەف صەف، مەصرەعی بەرجەستە، ڕیزی سەروی مەوزوونە

سەرچاوە: نالی

بەرجەستە

دیار و دەرکەوتوو.

نەرم و خۆش و مونتیج وەکو بەسطی ئودەبا بێ
طولانیی و بەرجەستە وەکوو دەستی دوعا بێ

سەرچاوە: نالی

بەرد

یا سەرما یا هەر (بەرد) ی کوردیی.

ئەکثەر کەسینه، تابیعی بەرد و حەرارەتە
یەعنیی وەقوودی نارە، بوخاری موسەییەرە

سەرچاوە: نالی

بەردی به قیمەت

(احجار کریمة).

گوتم: ئەی ماه، دڵی من به دڵی خۆت بکڕە!
گوتی: من بەردی به قیمەت به کەبابی نادەم

سەرچاوە: نالی

بەردی عەجووز

برجی پیرەژن لە دوا ڕۆژەکانی زستانا، یاخود مەبەست لە (بەرد) هەر بەردی کوردی و لە (عەجوز) یش بنیادەمی پیرە.

ئەو فەوت و وەفاتە سەبەبی عەهد و وەفاتە
چوو صاعیقەیی بەردی عەجووز و گوڵ و مل هات

سەرچاوە: نالی

بەردەباز

ئەو بەردەی له بوارا له ناو چەم و ڕووباری بچووکدا دائەنرێ و خەڵکی بەسەریا ئەپەڕنەوە.

سەر بەردەبازی ڕێتە، تەن تەختەبەندی جێتە
دڵ مەیلی خاکی پێتە، ڕۆح ماڵی خۆتە، بیبە

سەرچاوە: نالی

بەرزنجیی

سەیدی بەرزنجەیی.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)

سەرچاوە: نالی

بەرزنجە

مەڵبەندی ناوچەی سرۆچکە لە هەرێمی شارباژێر لە شارستانی سولەیمانیی.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)

سەرچاوە: نالی

بەرق

برووسکەی هەور.

بێ قسەی غونچەی دەمت کاتی تەبەسسوم ڕووبەڕوو
هەتکی شوعلەی بەرق و نەظمی دائیرەی پەروین دەکا

سەرچاوە: نالی

بەرق

شەوق دانەوە.

(بَرِقَ الْبَصَر) لەبەر بەرق تەلەئلوئی لەئالی
(خَسِفَ الْقَمَر) لە ئیشراق قیامەتی جەمالیی

سەرچاوە: نالی

بەرق و بەڕڕاقی

شەوقدانەوە.

زەرق و زەڕڕاقیی وەکوو خاکستەر، ئەمما بێ غوبار
بەرق و بەڕڕاقیی وەکوو پیرۆزە، لاکین بێ کڕێژ

سەرچاوە: نالی

بەرگ

پەڕە،

لەسەر بەرگی گوڵێکی باغی حوسنت
هەزار، گوڵچینی بێ بەرگ و نەواچین!

سەرچاوە: نالی

بەریاوێت

بەری ئاوێت، بەری خست.

خۆ زگی نیشتۆتە ئەرضی و، توومەزا هێشتاوەکوو
نوطفەکەی هەر ئاو بو، بەریاوێت لەبەر هەور و هەڵاو

سەرچاوە: نالی

بەرین

پان و پۆڕ و گەورە.

عەرشی بەرین که دائیرەیە، ڕەوضە مەرکەزە
فەرشی زەمین به عەرصەیی طەیبه موجەوهەرە

سەرچاوە: نالی

بەس

زۆر.

خۆش صوبح دەمێکە کە بە خەندە دەنوێنێ
بەس ذەڕڕەیی خۆرشید لە ذەڕڕێکی سوهادا

سەرچاوە: نالی

بەستە

گیرۆده و بەسراوه.

ئەی خەستەیی چاوت هەمو ئاهوویی تەتاریی!
وەی بەستەیی زوڵفت هەمو شێرانی شکاریی!

سەرچاوە: نالی

بەستە

کەمەندکێش، گیرۆدە.

کوشتەی نیگاهی دیدەتە، گەر مەست، ئەگەر خەراب
بەستەی کەمەندی زوڵفتە، گەر شێخ، ئەگەر سولووک

سەرچاوە: نالی

بەستە

بەسراو، کراو به چەپک.

لالەن به بەدەن، ئەطڵەسی ئەخضەر که لەبەرکەن
نەوڕەستە گوڵن، بەستە لەگەڵ دەستە گیاهن

سەرچاوە: نالی

بەستە زوبان

زمان بەسراو، بێ دەسەڵات.

خەڵقیی کە هەموو کۆدەکن و بەستە زوبانن،
با بێن و لە « نالیی » ببیەن شیعری سەلیقیی

سەرچاوە: نالی

بەسط

پەخشان.

نەرم و خۆش و مونتیج وەکو بەسطی ئودەبا بێ
طولانیی و بەرجەستە وەکوو دەستی دوعا بێ

تۆڕی زاراوەپارێزیی وشەدان