وشەدان

سەرچاوە: نالی

بەیان

قسە و گفتوگۆ.

طەڵعەتی ئایەتی جان. مەظهەری ئیعجازی بەیان:
لەبی دورج و، دەهەنی سیڕڕ و، کەلامی عەلەنە

سەرچاوە: نالی

تابان

تیشکدەرەوە.

فەلەک پەردەی شەب ئەندەر ڕۆژی سەر فانۆسی ئافاقی
زەمین و ئاسمان، لەم بانە تا ئەو بانە تابانە

سەرچاوە: نالی

تازە جەوان

جوانی لە تافی لاوێتیدا.

ئەی تازە جەوان! پیرم و ئوفتادەوو کەوتووم ،، تا ماوە حەیاتم
دەستێ بدەرە دەستی شکستەم، کە بەسەرچووم ،، قوربانی وەفاتم

سەرچاوە: نالی

ثەناخوان

تەعریف کەر.

مورادم ذیللەت و پاڕانەوەی حاڵە، نەوەک نەعتە
بە چەن بەیتێکی کوردانە، کە قورئانت ثەنا خوانە

سەرچاوە: نالی

جان

گیان.

شیرەیی جانە وتم یا مەیە؟ چا بوو فەرمووی
عەکسی لەعلی لەبی مەرجانە لە فنجانمدا

سەرچاوە: نالی

جان

جان، جنۆکە.

چ نوورێکە لە حوجرەی ڕەوضەدا وا قائیمە قوببەی،
قەوامی عەرش و فەرش و قەلبی ئینس و قالەبی جانە!

سەرچاوە: نالی

جان سەختیی

گیان سەختیی، زوو گیان دەنەچوون. خۆ بەدەستەوە نەدان،

به جان سەختیی و دڵ بەردی، من و تۆ
بیعەینیی هەروکوو پۆڵاوو بەردین

سەرچاوە: نالی

جانی جانان

ڕوح الارواح. کینایەیە لە خوای گەورە و هێمایشە بۆ نازناوی یەکێ لە پیرانی تەریقەتی نەقشبەندیی کە ناوی (شێخ مەظهەر) بووە.

ئەگەر خەڵوەت نشین بێ، (جانی جانان) بێ ئەنیسی ئەو
وەگەر هیجرەتگوزین، ڕۆحی (عەزیزان) یاری غاری بێ!

سەرچاوە: نالی

جیرایەی صاڵحان

ئەو بەراتەی بۆ پیاوچاکان تەرخان ئەکرێ کە پێی بژین و خەریکی خواپەرستیی خۆیان بن.

لامەدە « نالیی » لە ئەنباری جیرایەی صاڵحان
گەرچی ببیە خۆشەچینی دانەیی خەرمانی ڕۆم

سەرچاوە: نالی

جینان

جەمعی (جەننەت) ـە بە مەعنا بەهەشت.

جەنانی وە ک جینان کردم بە ماوا
(حەبیبە) ی (ماڵیاوا) ماڵی ئاوا!

سەرچاوە: نالی

جەبری نوقصان

پڕکردنەوەی ناتەواویی.

بەقییەی عومری ضایع گەر مورادت پێ تەدارەک بێ
حەیاتی مەککەت و مەوتی مەدینەت جەبری نوقصانە

سەرچاوە: نالی

جەنان

دڵ.

جەنانی وە ک جینان کردم بە ماوا
(حەبیبە) ی (ماڵیاوا) ماڵی ئاوا!

سەرچاوە: نالی

حەڵقەیی هیندووسییان

ئەڵقەیی ڕەش وەک هیندۆکیی که پێستیان ڕەشتاڵه یه. لووتەوانه.

کوفری زوڵفە تار و، ماری ئەرقەمن
صفری خاڵه، حەڵقەیی هیندووسییان

سەرچاوە: نالی

حەیران

سەرسام.

لە هیجری یووسفی میعراجی، یەعقووبی فەلەک، چاوی
نوجوومی بوو سپی، هێشتاکو هەر حەیران و سەهرانە

سەرچاوە: نالی

خاتەمی شان

مەشهوورە پێغەمبەر نیشانەیەک بە ناو شانیەوە بووە، ئەوە نیشانەی پێغەمبەریی بووە. مەبەست لە (عالیی خاتەمی شان) ئەوەیە مۆری ناوشانی لە هەموو کەس دیار و ئاشکرا بووە.

سیراجی ئەنبیا، خەتمی ڕوسول، نووری موبینی حەق
کە عالیی کەعب و قەدر و دەست و صەدر و خاتەمی شانە

سەرچاوە: نالی

خاقان

پادشا.

(فاتیحە!) تەسخیرە شاری دڵ به طابووری ئەلەم
موددەتێکی زۆرە پاتەختە لەبۆ خاقانی غەم

سەرچاوە: نالی

خان و مان

جێگە و ڕێگە و ماڵ و مەڵبەند.

موسوڵمان! لێرە مانی خان و مانت هەر نەمان دێنێ
پەشیمان بە، کە دەرمانی نەمانت مایەی ئیمانە

سەرچاوە: نالی

خوان

سفرە.

خوانی ذی شانی جیهان هەنگی خۆشاهەنگە، وەلێ
مێشی دەم نۆشم و دوم نێشم و عەکسی عەسەلم

سەرچاوە: نالی

خووبان

جوانان.

مومکین نییە جەلبی دڵی خووبان بە من و تۆ
نەمبیستووە تەسخیری مەلایەک بە مەلایێ

سەرچاوە: نالی

خیابان

ئەو هێڵە سپییەی لەنێوان دوو نیوەی بەیتی قەسیدەدا ستوونیی دائەکشێ. هەروەها سپێتی نێوان دێڕێک و دێڕێک.

وەرە سەیری خیابان و بەیاضی دەفتەری نالیی
کە صەف صەف، مەصرەعی بەرجەستە، ڕیزی سەروی مەوزوونە

تۆڕی زاراوەپارێزیی وشەدان