وشەدان

سەرچاوە: نالی

مان

مانەوە.

موسوڵمان! لێرە مانی خان و مانت هەر نەمان دێنێ
پەشیمان بە، کە دەرمانی نەمانت مایەی ئیمانە

سەرچاوە: نالی

موحتەشم دیوان

دیوەخانی قەرەباڵغ، یا دیوانی شیعری گەورە، یان ئیشارەتە بە گەورەیەکی (محتشم الدیوان) ناو.

ضابیطەی طەبعم سوارە، ئیددیعای شاهیی هەیە
مەحتەشم دیوانە، داوای تەختی خاقانی دەکا

سەرچاوە: نالی

موغەیلان

درەختێکی کورتەبنەی دڕکاوییە، لە دەشتە بێئاوەکانا ئەڕوێ.

لە بن خاکی مەغاکی ئاتەشینی، لەعلی لەب توشنە
لە سەر ئابی سەرابی، سەروی سێرابی موغەیلانە

سەرچاوە: نالی

موژگان

برژانگ.

کووچە کووچە خوون چەکەی پەیکانی موژگانی گوڵم،
بۆ شەهیدیی شاهیدە دائیم کە خوێنم جارییە

سەرچاوە: نالی

میان

ناوقەد.

چیت لە کاکۆڵی سەر و موویی میانی داوە؟
هەمو هەر هەمم و پەرێشانیی و دەردی سەرییە

سەرچاوە: نالی

میزان

تەرازوو.

عومرێکە بە میزانی ئەدەب توحفە فرۆشم
زۆرم وت و کەس تێی نەگەیی، ئیستە خەمۆشم

سەرچاوە: نالی

میهرەبان

بەبەزەیی.

ئەی میهری میهرەبان وەرە سەر بامی بامیداد
دا مەهڕووان ببن بە هیلالی شەوی میحاق

سەرچاوە: نالی

مەرجان

گیاندارێکی دەریاییە وەک گیا وایە، چەسپ بووە بە زەوییەوە، سوور و سپیی و ڕەشی هەیە. بۆ جوانیی لە جەواهیرسازیدا بەکاری دێنن.

یەمی دیدە پڕ لە مەرجان، وەک یەشمی ئابدارە
شەبەیە شەبیهی زوڵفی سیاهی وەک زوخاڵیی

سەرچاوە: نالی

مەننان

خاوەن خێر و ڕەحمەت.

ئەگەرچیی کوردی دووری شارەزووری قەسوەتم، ئەمما
وەسیلەم طەیبە و حیلمی شەفیع و فەضلی مەننانە

سەرچاوە: نالی

مەهڕووان

ئەوانەی ڕوویان وەک مانگ وایە.

ئەی میهری میهرەبان وەرە سەر بامی بامیداد
دا مەهڕووان ببن بە هیلالی شەوی میحاق

سەرچاوە: نالی

مەهڕوویان

ئەوانه ی ڕوویان وەک مانگ جوانه.

ئەتۆ میهرییو مەهڕوویان ستارەن
له خزمەت شەوقی تۆدا شەوچرا چین؟!

سەرچاوە: نالی

مەکان

شوێن.

مەکانی واسیطەی ئیمکان، مەکانەت بەخشی ئینس و جان
مەکینی لامەکان سەیران تێدا تەشریفی میوانە!

سەرچاوە: نالی

نادان

نەزان و نەفام.

کەس بە ئەلفاظم نەڵێ خۆ کوردییە خۆ کردییە
هەر کەسێ نادان نەبێ خۆی طالیبی مەعنا دەکا

سەرچاوە: نالی

نامه سییان

نامه ی کرداریان له ڕۆژی قیامەتدا ڕەشە، تاوانبارن.

حاکمانی مەحکەمه نامه سییان
قەت نەماوە غیرەت و نامووسییان

سەرچاوە: نالی

ناودان

پلووسکی باراناو.

فویووضاتی (صەفا) و (مەروە) هەروەک ناودان دەمدەم
لە یەنبووعی دڵی پڕ زەمزەمەی میزابی جاریی بێ!

سەرچاوە: نالی

نوێژی شێوان

نوێژی ئێوارە.

له دوگمەی سوخمه دوێنێ نوێژی شێوان
بەیانی دا سفیدەی باغی سێوان

سەرچاوە: نالی

نیسوان

ژنان.

قەز، برێشم، کە حەرامە لە ڕەجول، نەک نیسوان
سوننەتی شەرعە، ئەگەر تابیعی ئەهلی سونەنی

سەرچاوە: نالی

نیشان

بە نیشانە نانەوە.

دڵ موشەببەک بوو لەبەر ئێشانی نیشانی موژەت
حەیفە قوربان! ئاخر ئەم نیشانەیی شانی هەیە

سەرچاوە: نالی

نیگەهبان

ئاگادارییکەر، پاسەوان،

دیدە نیگە هبانی یار، تیپی سریشکم هەزار
ناڵەیی دڵ نەی سەوار، ئاهە عەلەمداری من

سەرچاوە: نالی

نەیستان

قامیشەڵان.

نەیستان و خەسەکزاری صونووفی شەوکەیی خاری
گەلێ خۆشتر لە سەروستان و، دلکەشتر لە بوستانە

تۆڕی زاراوەپارێزیی وشەدان