وشەدان

سەرچاوە: نالی

غوبار

تۆز.

غوباری ئەو شەو و ڕۆژەن ڕدێنی ماش و برنج
کە تێکەڵن شەبەهی صوبح و شام و شیر و قیر

سەرچاوە: نالی

قافڵە سالار

پێشڕەوی کاروان.

سەرگرانە قافڵە سالاری ڕێی چین و خەتا
چونکە باری عەنبەر و میسکە لە زولفەینی دو تا!

سەرچاوە: نالی

قەرار داوە

داناوە.

دو جادوو ماری مەغزی ئادەمی خواری قەرار داوە
لەسەر شانی، وەکوو ضەححاک و، ناوی ناوە زولفەینی

سەرچاوە: نالی

قەطار

کاروان، ڕیز.

قەطاری زەنگ و قۆڕی ئوشتر و ئێستر لەسەر کێوان
دەڵێی زیڕەی صەدای قاز و قوڵنگی ئەوجی کەیوانە

سەرچاوە: نالی

مووکار

ئەڵێن ئەو تێغە موو ئەکا واتە زۆر تیژە تەنانەت موو لە ژێریا نانووشتێتەوە، بەڵکو دەسبەجێ ئەقرتێ.

برۆت تیغێکە کە وسمەی صەیقەل و مەسلوول و مووکارە
کە عیشوەی جەوهەرە، ڕەمز و ئیشارەی ئاوی مەودایە

سەرچاوە: نالی

میشکی تەتار

جۆرە میشکێکە ناوبانگی بۆنخۆشیی دەرکردووە.

شکەنجی تاری پڕ میشکی تەتار و تارە، ئەمما ئەو
دوتا و، هەر تایە بارێکی لە عەنبەر ناوە زولفەینی

سەرچاوە: نالی

میضمار

مەیدانی ڕەمبازیی.

میضماری شەهسەوارییی تۆیە کە صەف صەفە
کۆگایی حاصیلاتتە بەیدایی بەیدەرە

سەرچاوە: نالی

میعمار

وەستا بەننا.

چ میعمارانە بۆ تەعمیری کەعبەی دڵ دەچێتە حەج!
خودا یار و مەدەدکار و نیگەهداری عەماریی بێ!

سەرچاوە: نالی

مەخزەنی ئەسرار

جێگای ڕاگرتنی ڕاز و نهێنی.

هەم گوڵبەنی بێ خاری، هەم مەزرەعی ئەزهاری
هەم مەخزەنی ئەسراری، ئیثباتی مەزایا کچ

سەرچاوە: نالی

مەدەدکار

یارمەتییدەر.

چ میعمارانە بۆ تەعمیری کەعبەی دڵ دەچێتە حەج!
خودا یار و مەدەدکار و نیگەهداری عەماریی بێ!

سەرچاوە: نالی

مەهار

دارێکە ئەکرێتە لووتی وشتر و پەتێکی توند پێوە ئەبەسترێ.

ئەسیری سیلسیلەی بەندی مەهاری سەرقەتارت بم
کە دەمکێشێتە ڕەوضەی حەی وەکوو مەجنوونی دێوانە

سەرچاوە: نالی

نار

ئاگر. هەنار.

سوروشکم ئاب و دانەی نارە، کێ دێ:
بە گەرمیی داوەرێ بەم طەرزه تەرزە؟!

سەرچاوە: نالی

نیثار

بەخشش. شاباش.

فیدای تەشریفی ڕێگەت بێ خەراجات و خەزێنەی دڵ
نیثاری تۆزی پێت بێ گەر لە چاودا قەطرەیێ مابێ

سەرچاوە: نالی

نیگار

وێنە. ئافرەتی وەک وێنە جوان، یار.

بۆ مەشقی عیشقی زوڵفی نیگار و نیگارشی
« نالیی » لە خامەدا بووەتە شاهی طوڕڕەنووس

سەرچاوە: نالی

نیگار

نەخش و وێنە. دیار

گەر بازی نەظەر بازی، لەم دەست و نیگارەت چیی!
بۆ یاریی و دەسبازیی، لەم ڕاو و دیارەت چیی!

سەرچاوە: نالی

نیگەهدار

ئاگادارییکەر.

چ میعمارانە بۆ تەعمیری کەعبەی دڵ دەچێتە حەج!
خودا یار و مەدەدکار و نیگەهداری عەماریی بێ!

سەرچاوە: نالی

نەقدی عەیار

نەختی بێگەرد.

قەللابی جیهان نەقدی عەیاری نییە قوربان!
« نالیی » مەحەکی هیممەتی کردوویە موجەڕڕەب

سەرچاوە: نالی

نەهار

ڕۆژ.

شامی هەموو نەهار و فوصوولی هەموو بەهار
تۆزی هەموو عەبیر و بوخاری هەموو بوخوور

سەرچاوە: نالی

نەی سەوار

مەعناکەیمان بۆ ڕاست نەکرایەوە. دوور نییە (نێزەدار) بووبێ و به هەڵه ی نووسیار گۆڕابێ.

دیدە نیگە هبانی یار، تیپی سریشکم هەزار
ناڵەیی دڵ نەی سەوار، ئاهە عەلەمداری من

سەرچاوە: نالی

هوزار

بولبول، یاخود هەزار.

گوڵشەن وەکو بەزمێکە کە ئاحادی هەزاری
بۆ تاقە گوڵێکی گەییە ڕوتبەیی میثات

تۆڕی زاراوەپارێزیی وشەدان