ئەو ئەندازە پارەیەی پیاو لەکاتی ژنهێنانا لە ئەستۆی ئەگرێ بیدا بە ژنەکە. لەو مەعنایەشەوە وەرگیراوە بۆ هەر شتێ مرۆ لە ئەستۆی خۆی بگرێ.

لە چاوانم هەتاکەی قەطرە قەطرە خوێن دەکەی ئەی دۆست!
کوا ئەم عەهد و پەیمان و وەفا کابینتە، بازا

گەرماو، حەمام.

شێخم! وەرە دەر، فەصڵی بەهار و گوڵ و گەشتە
ئەییامی لە گەرمابە خزان وەقتی خەزانە!

ئاو.

سوروشکم ئاب و دانەی نارە، کێ دێ:
بە گەرمیی داوەرێ بەم طەرزه تەرزە؟!

بێبار.

قەللابی جیهان نەقدی عەیاری نییە قوربان!
« نالیی » مەحەکی هیممەتی کردوویە موجەڕڕەب

ئاو، تەڕایی. مەبەست فێنکییە. تاب و تاو، گەرمی.

گەر ئاب و تابی جەننەتیی و دۆزەخیت دەوێ
بنواڕە نێو چەوانی بەشووش و برۆی عەبووس

پێ خواردنەوە.

بەو شەهدی کەلامەت کە بە ئیشرابی لەطافەت
لەذذەت دەگەیێنی بە دڵ و ذیهنی موخاطەب

هەڵبژاردن، به مەعنا هەڵبژاردەیە.

خاڵی بەینی چاو و ئەبرۆت ئینتیخابی کاتیبه
یەعنی نوقطه ی فەرقی ئیبنو موقله ویبنو حاجیبه

یاران.

(کهف الأنام) ی هیجرەتی ئەصحابی بێ ڕوقوود!
بیکه به خاکی خادیمی قیطمیری ئەو دەرە

باوک. دەرگا.

بەس گریە بکە بۆ پدەر و بابی حیجابت
بێ بابیی تۆ مووریثە بۆ وەصڵ و مولاقات!

دەرگا. جۆر.

بابێکی هەیە دونیا بۆ عەشقی مەجازی، بەس
« نالیی » چییە ئەو بابە: ئادەم کوڕ و حەووا کچ

تاوی باران.

جۆشش و تابە لە نێو دیدەیی گریانمدا
چ تەنوورێکە لە تەندوورەیی طۆفانمدا

تاو، گەرما.

لە ئاب و تاب و ئەشک و ئاهی خۆمدا بووم بە بوریانیی
لەباتیی پوختەگیی سووتام و ئیستەش پێم دەڵێ: خامە

پەردە. دەرگاوان.

بەس گریە بکە بۆ پدەر و بابی حیجابت
بێ بابیی تۆ مووریثە بۆ وەصڵ و مولاقات!

فەرموودە. له عیلمی نەحویشدا جۆرە ضەمیرێک و له عیلمی صەرفیشدا جۆرە فیعلێکیه.

حاضری ئەمر و خیطابه دڵ، ئەگەرچیی مەنهییە!
راجیعی تۆیە ضەمیری من، ئەگەر چیی غائیبه!

ئەو سەرخۆشەی لەتامبەدەر سەرخۆش بێ، کە پێیشی ئەڵێن بەدمەست.

کوشتەی نیگاهی دیدەتە، گەر مەست، ئەگەر خەراب
بەستەی کەمەندی زوڵفتە، گەر شێخ، ئەگەر سولووک

تێراو. بەو چیمەنە ئەڵێن کە ئاوی زۆری ئەدرێ بۆ ئەوەی هەمیشە گەش و تێراو بێ.

چاوێ بخە لە سەبزەوو سێرابی دائیرە
جێ جیلوەگاهی چاوەکەمە نەرمە یا نە زوور؟

سەراو.

کاسێکی بلوورینی نخونیی لە سەرابێ
نەختێکی لەبەر مەوجی لەطافەت قڵەشابێ

وردە زیخی بریقەدار کە ڕێبوار لەدوورەوە وائەزانێ ئاوە.

فەضا بەحری موحیط و وشتری تێدا سەفینەی بەڕ
سەرابی میثلی نیل و دیجلە و جەیحوون و عوممانە

دەشتی لمین کە لەدوورەوە ئەبریسکێتەوە و تینوو وائەزانێ ئاوە و ئەچێتە سەری و کە بۆی دەرئەکەوێ هیچ نییە بە نائومێدی ئەگەڕێتەوە.

« نالیی » یو سینەیی بێ کینەیی چاکم، ئەمما
چاکی دامەن تەڕم و وشکە سەرابی عەمەلم

تەناف.

مەڵێ ڕێگەی کەشندە، یا کوشندە ئەژدەرە، یاخۆ
کەمەندە، یا طەنابی خێوەتی گەردوونی گەردانە

عەنناب، درەختێکی دڕکاوییە، شەش میترێک بڵندە، گەڵاکانی هێلکەیی و ددانەدارن. گوڵێکی زەرد و هێشوویی ئەگرێ، دارەکەی ڕەق و سوورە. بەرێکی ورد و خڕ و بەتام و شیرینی هەیە. لە پایزا پێ ئەگا. بۆ دەرمانیش بەکاردێ.

شەربەتی عوننابی لێوی شەککەر و بادامی چاو،
سەروی قەددت ڕاستە ئەنواعی ثیماری گرتووە

لۆمە و گلەیی.

مەستوورە کە حەسناوو ئەدیبە بە حیسابێ
هاتە خەوم ئەمشەو بە چ نازێک و عیتابێ!