١-(نت.) تم: باپیر. ٢- (باپیر)ە لە حاڵەتی بانگ کردنا، تم: بابەگەورە. تێبــ.- جیاوازێیەک لە نێوان مانای ئەم وشەیە و هاوماناکەیدا هەیە، هەرچی (بابەگەورە) تەنیا منداڵ کاتی ڕووی قسە دەکەنە باوکی باوکیان یا بانگی دەکەن، بەکاریدێنن و هەرچی (باپیرە/٢)شە، هەم منداڵ بۆ مەبەستی سەرەوە دەکاری دەکەن و هەم باوکی باوکیشیان بۆ دەربڕینی خۆشەویستی خۆی بەرامبەر نەوەکانی دەیڵێی.

(نت.) باوکی باپیری کەسێک، باپیری بابی کابرایەک، پشتی سێیەم، ئەگەر لە باوکی کەسێک ڕا دەست پێ بکرێ و چوارەم ئەگەر لەخۆیەوە حیسابی کەین.

(نت.)، (مک.) تم: با پەنا.

(مست. لا.) حاڵەتێکی نەخۆشی سەرما بوونە پاش ئەەوەی مرۆڤ ئارەق دەکاتەوە و هەوا لێی دەدا ئارەقەکەی سارد دەبیتەوە و لەرزی لێدێ.

(مست. لا.) دەنگی خۆدەرخستنی ئاژاڵ. بخنەکە دەبارێنێ. *باعاندن (سن.) باقانن.

(نت.) کڕێوەی بەفر بێ ئەوەی لە هەوران ببارێ، بەڵکوو بایەکی بە قەوەت لە شوێنێکەوە بەفر هەڵدەگرێ (دەیڕنێ) و بۆ بەرزایی دەبا کاتێ دەگاتە جێگایەکی وا کە بایەکە تەوژمی کەمە دەبارێتەوە سەر زەوی و چەشنی کڕێوە دێتە بەرچاوان. بەرخی بابم ئەمە کڕێوە نییە باڕن دەکا.

(نت.)، (مک.) تم: باڕووت.

(نا.) ١- ماددەیەکی وشکی ڕەشە کە ئاگری وێکەوت کڵپە دەکا، بۆ هاویشتنی گوللەی تۆپ، تفەنگ، تاپڕو... و... بەکاردێت. تێبــ.- آ) ئەم ماددەیە گەرد و تۆزێکی ڕەشە، جاران نێچیرەوانانی کورد لە (شۆرە) و (گۆگرد) و (ڕەژی) دروستیان دەکرد، چاکترین خەڵوووز بۆ ئەم کارە (ڕەژی دارەبی)یە. ب) بۆ تاقی کردنەوەی چاکی و خراپی باڕووت، تۆزێکی لەسەر لەپی دەست یا پەڕە سیغار ڕۆ دەکەن و ئاگری جگەرەی لێ نیزیک دەکەنەوە، کڵپە دەکا و دەچێ بە عاسمانا، ئەگەر پەڕە سیغارەکە یا بەری دەستی نەسووتاند ئەوە باڕووتی چاکە. *(مک.) دەرمان، باڕووتی ڕەشۆکی. ٢- ٠مج.) پیاوی توندە میجاز کە زوو تووڕە دەبێ و هەڵدەچێ.

(سفا.)، (بک.) ئەو کەسەی باڕووت دروست دەکا. تێبــ.- لە لەهجەی ناوەندی و بن لەهجەکانیدا هاوتای ئەم وشەیەم نیبیستووە.

(نت.)، (کعر.) جێگایەکی تایبەتییە چەک و تەقەمەنی و کەرەستەی شەڕی تێدا دادەنێن، عەمباری تەقەمەنی. *(کئێر.) جبەخانە، قۆرخانە.

(ست.)، (مک.) تۆچای ورد، چایەکی وەکوو باڕووت وردبێ.

(نت.) جۆرێک باڕووتە کە لە فابریقە دروست دەکرێ و رەنگی سپی واشە. تێبــ.- ئەو ماددانەی کە ئەو جۆرە باڕووتەیان لێ درودت دەکرێ هەر ئەوانەن کە بۆ دروست کردنی باڕووتی ڕەشۆکی دەست دەدەن، لە باتی شۆرە جەوهەری شۆرە (ئەسید نیتریک) و لە باتی گۆگرد جەوهەری گۆگرد (ئەسید سوولفۆڕیک) و لەباتی خەڵووزیش ماددەیەکی (سیلۆلۆز)ی لەباتی (لۆکە) دەکاردەکرێ. * باڕووتی سپی.

(نت.)، (مک.) تم؛ باڕووتی بێ دووکەڵ.

(نت.) مریشکێکی هێشتا فەورە نەبووبێ، فڕووجێکی کەوتبیتە هێلکە کردن. ((... بووکە بە بارانی دەوێ، هێلکەی باڕۆکانی دەوێ)) (فۆلکلۆر).

(نت.)، (مک.) شوێنێکە (با) زۆر بیگرێتەوە. تێبــ.- ڕێی دەچێتێ کەرتی (ڕۆگ)ی ئەم وشەیە یا (ڕۆگە) بێ یا لە (ڕۆشاندن) وەرگیرابێ.

دەنگی مەڕ و بزن *باعە. بالە.

١- دەنگی یەک لە دوای یەکی ئاژاڵ. *باعەباع، باڵەباڵ. ٢- (مج.) قیژەقیژ و هەرای زۆری ئادەمیزاد. بە باڕەباڕ کابرایان لە ماڵی دەرهێنا و کوشتیان. هەر باڕەباڕی بوو کەس گوێی نەدەدایە.

(نت.)،(کعر.) تم: ڕەشەبا.

(نا،) (کعر) تم:باژیڵە.

(نت)، (مک) ئەم وشەیە تەنیا لە مەسدەری(وە باژۆر کەوتن) دا د بیندرێ و نەبیستراوە، به هیج جۆرێکی تر دەکار بکرێ، لە کەرتەکانی ئەم وشەیە من وا تێدەگەم کە مانای (ئەوی (با) دەئاژوێ) بێ.