سەرمایە (ئامرازی بەرهەمهێنان، ئامرازی وەبەرهێنان، شمەك یان كەلوپەلی سەرمایە، كالای بەگەڕخەر). (1) لە تیۆریی ئابووریدا یەكێكە لەو سەرچاوانەی كە لە بەرهەمهێناندا (زەوی، كرێكار و سەرمایە) بە كار دەهێنرێت. سەرمایە لەو كەلوپەلە بەرگەگرانە پێك دێت كە لە بەرهەمهێناندا بە كار دەهێنرێن. (2) لە ژمێریاری و داراییدا، ''سەرمایە'' واتە سەرجەم ئەو پارەی كە لە لایەن خاوەنپشكی كۆمپانیاكانەوە وەبەر دەهێنرێت و لە بەرامبەریدا قازانجی پشكی كۆمپانیا وەردەگرن.

شمەكی خۆڕایی. بریتییە لەو شمەكانەی كە بە شمەكی ئابووری دانانرێن. وەك هەوا یان ئاوی دەریا كە بڕی ئەم شمەكانە هێندە زۆرن كە پێویست بەوە ناكات بۆ بەكارهێنانیان جیرەبەندی بكرێن (دابەش بكرێن). كەواتە، لە بازاڕدا هیچ نرخێكیان نییە، واتە سفرە.

شمەكی سەربەخۆ. ئەو شمەكانەیە كە خواست لەسەری هیچ پێوەندییەكی بە شمەكەكانی تریەوە نییە و جیاوازە. بە شێوەیەكی وردتر، شمەكی A و B سەربەخۆن لە یەكتر و ئەمەیش كاتێكە كە گۆڕانی نرخی شمەكی A هیچ كاریگەرییەكی لەسەر بڕی خواست لەسەر شمەكی B نییە، لەگەڵ مانەوەی هۆكارەكانی تر وەك خۆیان.

شمەكی ئەیاخ. ئەو شمەكەیە كە لەگەڵ زۆربوونی داهاتدا بەكاربردنی كەم دەبێتەوە.

شمەكی نێوانگر. ئەو شمەكانەیە كە لە بەرهەمهێنانی هێندێک شمەكی تردا یان لە پڕۆسەی بەرهەمهێناندا بە كار دەهێنرێن و هێشتا نەگەیشتوونەتە قۆناخی بەرهەمی كۆتایی. بۆ نموونە، پۆڵاو و پەموو شمەكی نێوانگرن (نیمچەتەواوكراون).

شمەكی شوێنگرەوە. ئەو شمەكانەن كە ڕكەبەری یەكترن (وەك دەستەوانەی چەرم و دەستەوانەی كاموا). بە پێچەوانەوە، شمەكی تەواوكەر (complements) ئەو شمەكانەن كە تەواوکەری یەکترن (وەك پێڵاوی پێی چەپ و ڕاست).

pertal, pirtal, menal, şirnek, pirtî.

kutal.

pertalî spî, tevnê spî yê pembûyi yan kitanî .

pertalê yardeyî (bi yar¬deyê firotin).