پێشوازی کردن لە باسێک یاخود کەسێک. «پیل» لە موکریان بۆ «شان» ڕۆیشتووە (لە سلێمانی بۆ باتریش «پیل» دەڵێن)، دەربڕینەکەش لەوەوە هاتووە کە بەرەو شانی یەکێک بچیت بۆ ماچ کردن و بەخێرهاتنی. شان ماچ کردن لە کوردەواریدا ئەوپەڕی پلەی ڕێزگرتنێکی ڕێزدارانەیە بۆ مرۆڤی تەمەندار. ئەمە لایەنە بەرهەستەکەیەتی.
هەمان وشە بۆ لایەنی دەرهەست (ئەبستراکت) ڕۆیشتووە. ئەم پرۆژە نوێیە دڵپەسەندە بۆیە زۆرینە بەرەوپیلی دەچن. کە دەکاتەوە «پێشوازی لێ کردن».