وشەدان

سەرچاوە: نالی

موساویی

چونیەک.

موساویی وەک یەک و لوولن لە هەر دوو لاوە زولفەینی
نموونەی عەکسی حەرفی (میم) و (نوون) و (واوە) زولفەینی

سەرچاوە: نالی

مونزەویی

گۆشەگیر و که نارەنشین،

نەباتاتی زەویی وەک مونزەویی هاتوونه دەر، یەعنیی
هەموو سەرخۆش و مەست و ڕۆژپەرەست و عاشقی ڕووتن

سەرچاوە: نالی

مەساعیی

جەمعی مەساعەیە واتە هەوڵ و تەقەلا.

شەعائیر یەک بەیەک مەسرووری سیڕڕی غەیبی لاڕەیبیی
مەساعیی سەربەسەر مەشکووری دەرکی بەیتی باریی بێ!

سەرچاوە: نالی

مەعنا ئارایی

مەعنا ڕازاندنەوە.

نووکی خامەی من کە بێتە مەعنائاراییی کەمال
خەط بە خەط ئیظهاری نەقشی صوورەتی (مانی) دەکا

سەرچاوە: نالی

مەنهیی

مەنعکراو. له عیلمی صەرفیشدا جۆرە فیعلێکه.

حاضری ئەمر و خیطابه دڵ، ئەگەرچیی مەنهییە!
راجیعی تۆیە ضەمیری من، ئەگەر چیی غائیبه!

سەرچاوە: نالی

مەنیی

ئاوی پیاو.

ئەی دەراتوو لە دوو مەجرایی دو میزابی مەبال
مەبە بادیی وەکو خەرزیهـ بەهەوای کیبر و مەنیی

سەرچاوە: نالی

مەهدیی

ڕێگا پێشاندراو.

ئەمن مەهدیی ئەتۆ هادیی، شەوی تەجرید و تەقریبە
لەبەرکە خەلعەتی قورئان و ئەم تەشریفی ڕیضوانە

سەرچاوە: نالی

مەهیبیی

سام لێکراویی و هەیبەتداریی.

ئەی ئاهووی نادیدە بە تەئثیری مەهیبیی
یا گەوهەری ئەصدافیی و یاقووتی دورووجیی

سەرچاوە: نالی

نائیی

دوور.

سۆزشێکی نەفەس و شۆڕشی نائیی نایێ
هەریەکە نەوعە غینایێکە، بە مەعنایێکە

سەرچاوە: نالی

نانوێنیی

ناخەوێنیی.

فوتووری چاوەکانت نانوێنیی
به « نالیی » فیتنه بەس بنوێنە قوربان!

سەرچاوە: نالی

نانیی نانیی

ئەوەی بە تەماعنانەبەر هەڵخەڵەتێ.

دوور لە تۆ « نالیی » سەگێکە، بێوەفایە، هەرزەگۆ
بۆچی بانگی ناکەی ئەم کەلبە کە نانی نانییە؟!

سەرچاوە: نالی

نخونیی

سەرەو نخوون کراوە.

کاسێکی بلوورینی نخونیی لە سەرابێ
نەختێکی لەبەر مەوجی لەطافەت قڵەشابێ

سەرچاوە: نالی

نیی

نیت.

بەزمی هوزارە، قەل فڕی ئەغیارە، دەوری گوڵ
صۆفیی! بڕۆ، مەبە بە دڕک، تۆ لە ئێمە نیی..

سەرچاوە: نالی

نەبیی

پێغەمبەر.

صیددیق و عەزیز هەروەک یووسف کە نەبی بوو کوڕ
صیددیقەیی مەعصوومە وەک داکی مەسیحا کچ

سەرچاوە: نالی

نەججاشیی

نازناوی پادشاهانی ئەوسای حەبەشە بووە.

صەد حەیفی لە بۆ کەعبەیی حوسنت کە بەسەریا
نەججاشیی خەط هاتووە نێزیکە خورووجی

سەرچاوە: نالی

هادیی

ڕێگا پێشاندەر.

ئەمن مەهدیی ئەتۆ هادیی، شەوی تەجرید و تەقریبە
لەبەرکە خەلعەتی قورئان و ئەم تەشریفی ڕیضوانە

سەرچاوە: نالی

هەوریی

سرکەیی، جۆرە سەرپۆشێکی ناسکی ڕەش و سپیی ئاوریشمە.

لادە دەسرۆکەیی هەوریی لە جەبین
دەرکەوێ شەمس و قەمەر، نوور و ضیا

سەرچاوە: نالی

وادیی

شیو.

وادیی بووە بە وادییی پڕ نووری (طوور) ی (نار)
(نەعلەین) لە پێ فڕێ بدە « نالیی » بە (ئەیمەنیی)

سەرچاوە: نالی

وشکە صۆفیی

ئەو جۆرە صۆفییانەی کە مەسەلەی ئایینیان بە شێوەیەکی زۆر وشک گرتووە و لەئاستی سادەترین ڕابواردنی حەڵاڵدا چاوپۆشیی پیشان نادەن.

بنواڕە وشکەصۆفیی و ڕەقصی بە هەلهەلە
دیسان لە بەحری وشکی هەوا کەوتە پێمەلە

سەرچاوە: نالی

وەحشیی

دوورەپەرێز و کەنارەگیر.

وەحشییە لێمان لەبەر طەعنەی ڕەقیبی سەگ صیفەت
ڕاستە هەر ذیی ڕۆحێ، بۆ وەسواسە، شەیطانی هەیە

تۆڕی زاراوەپارێزیی وشەدان