وشەدان

سەرچاوە: نالی

پەیاپەی

دەسبەجێ.

پەیاپەی هاتەوە سەر جێگەیی گەرمی لەگەڵ توحفەی
صەلات و هەم سەلام بێ لەو حەبیبی پاکی سوبحانە

سەرچاوە: نالی

پەیاپەی

یەک له دوای یەک، لە پشتی سەری یەکەوە، لەدوای یەکەوە.

له نەهرەینی دو چاوم ئەشکی خوێنین
پەیاپەی دێ، پەیاپەی دێ، پەیاپەی

سەرچاوە: نالی

پەیغامبەر

پەیامبەر، پێغەمبەر.

پەیغامبەر و حەبیبی خودا، (خاتَمُ الرَّسُل)
ڕەوضەی له ئەرض و سایە لەسەر چەرخی ئەخضەرە

سەرچاوە: نالی

پەیمان

گفت.

ئەگەر خوێنم دەڕێژی تۆ، ئەوە تێغ و ئەمیش گەردن
ئەگەر بنیادی پەیمان، دەستی من دامێنتە، بازا!

سەرچاوە: نالی

پەیک

فروستادە، کەسێ بە کارێ نێررابێ بۆ شوێنێک.

قوربانی تۆزی ڕێگەتم ئەی بادی خۆش مروور!
ئەی پەیکی شارەزا بە هەموو شاری (شارەزوور)!

سەرچاوە: نالی

پەیک

نامەبەر،

پەیامت هات و پەیکت ڕۆی، خەیاڵم نارد و نەیگەییێ
ڕەسووڵم کەوتە ڕێ، گرتی، هێنای وەک ئاگرەسوورە

سەرچاوە: نالی

پەیک

فروستادە. مەبەست لە جوبرەئیلە.

وەها هەستا بە باڵی جاذیبەی قودرەت، لە نیوەی ڕێ
بەجێما ئەسپ و پەیک و ڕەفڕەف و ئەم چەرخی دەورانە

سەرچاوە: نالی

پەیکان

تیر.

کووچە کووچە خوون چەکەی پەیکانی موژگانی گوڵم،
بۆ شەهیدیی شاهیدە دائیم کە خوێنم جارییە

سەرچاوە: نالی

پەیکردن

بڕین.

نیشانەی پوختەگیی بێ دەنگییە « نالیی »! ئەگەر پوختەی
بە حوججەت طەی بکە نامە، بە حیددەت پەی بکە خامە

سەرچاوە: نالی

پەیکردن

قاچ بڕینەوە. نەحل

قامەتت نەخلە، بە شیری، فائیقەی پەی کردووە
نەحلی بێنێشی مەمەت شەهدی سپیی قەی کردووە

سەرچاوە: نالی

پەیکەر

تیمثال.

هەی کەرێکم بوو، چ پەیکەر؟ طەیکەری هەوراز و لێژ
سینە پان و مووچە کورت و شانە بەرز و گوێ درێژ

سەرچاوە: نالی

ڕۆژ پەرست

گوڵه به ڕۆژه،

نەباتاتی زەویی وەک مونزەویی هاتوونه دەر، یەعنیی
هەموو سەرخۆش و مەست و ڕۆژپەرەست و عاشقی ڕووتن

سەرچاوە: نالی

بێپەردە و کینایەت

ئاشکرا و بێ پێچ و پەنا.

قیصصە بێ پەردە و کینایەت خۆشە: شاهی من کەوا
عادیلێ بوو قەت عەدیلی ئەو له دنیا نەبوو،

سەرچاوە: نالی

تەنپەروەریی

خزمەتکردنی لەش.

گوتی تاجی عەرەب و، ئالی عەبا فەرموویان:
عەیبە تەن پەروەریی و نەرمیی و نازک بەدەنیی

سەرچاوە: نالی

سوپەند

گیایەکی کێوییه، تۆوێکی وردی ڕەشی هەیە، ئەیکەنە ناو ئاگرەوە ئەیسووتێنن، بۆنێکی خۆشی هەیه، ئەڵێن بۆ چاوەزار باشە!

له شەوقی ڕوویی شەمع و، زوڵفی دوود و طووڕڕەیی مەجمەر
سوپەند و عوود و پەروانه، بخوور و غالییه سووتن

سەرچاوە: نالی

سوپەهـ

لەشکر.

لە خەوف و خەجڵەتی، بەدری شەهی ئەنجوم سوپەهـ ئێستەیش
کە هەڵدێ، زەردیی و سووریی لە طەلعەتیا نومایانە

سەرچاوە: نالی

شەهپەڕ

شاپەڕ.

جێ بازی مەقدەمی شەوی قەدر و مەعاریجی
سەربانی عەرش و کورسی یو جوبرەیلی شەهپەڕە

سەرچاوە: نالی

مایەپەروەر

ئەوەی کە ماددەکان پەروەردە ئەکات.

ئەی شەمسی مایە پەروەر و ئیکسیری قەلبی خاک!
بنواڕە حاڵی هالیکی ئەم خاکە ئەحقەرە

سەرچاوە: نالی

پەیاپەی

دەسبەجێ.

پەیاپەی هاتەوە سەر جێگەیی گەرمی لەگەڵ توحفەی
صەلات و هەم سەلام بێ لەو حەبیبی پاکی سوبحانە

سەرچاوە: نالی

پەیاپەی

یەک له دوای یەک، لە پشتی سەری یەکەوە، لەدوای یەکەوە.

له نەهرەینی دو چاوم ئەشکی خوێنین
پەیاپەی دێ، پەیاپەی دێ، پەیاپەی

سەرچاوە: نالی

ڕۆژپەرست

گوڵی ڕۆژگارپەرست، گوڵێکی زەردە هەمیشە لەگەڵ گەڕانی ڕۆژدا ڕوو وەرئەچەرخێنێ.

ڕۆژپەرستی ڕووتە « نالیی » بۆیە دائیم وەک غوڵام
زەرد و گەردنکەچ لە دەرگات حاضرە دەستەو نەظەر

تۆڕی زاراوەپارێزیی وشەدان