وشەدان

سەرچاوە: نالی

ئەبوولەهەب

یەکێکە لە ناوەکانی ئاگر، ئیشارەتیشە بە ناوی ئەبوولەهەبی مامی پێغەمبەر.

داری ئیراک و داری هیند هەردوو کە عوودە ئیسمیان
هەمدەمی سوننەتە ئەوەم مەیلی ئەبوولەهەب دەکا

سەرچاوە: نالی

دوولانە

دووباد.

کەمەندی زوڵفی دوو لانە، لە بۆ گەبر و موسوڵمانە
دەکێشێ بێ موحابانە، چ لەملا بێ، چ لەولا بێ!

سەرچاوە: نالی

زووڵفی بەهلوولیی

زووڵفی ئاڵۆز و پرژ و بڵاو. لەوەوە هاتووە کە (بەهلوول) بە شێت و بەرەڵڵا ناوبانگی دەکردووە.

پەرچەمی سونبولیی و، قەددی (قضيب البان) یی
زوڵف بەهلوولیی و، خەط زەنگیی و، وەجهی حەسەنە

سەرچاوە: نالی

طوولانیی

درێژەدار.

نەرم و خۆش و مونتیج وەکو بەسطی ئودەبا بێ
طولانیی و بەرجەستە وەکوو دەستی دوعا بێ

سەرچاوە: نالی

طوولی ئەمەل

درێژیی هیوا.

ڕۆژ سەری کوڵمتە ڕووناکییی نووری بەصەرم
شەو خەمی زوڵفتە تاریکییی طوولی ئەمەلم

سەرچاوە: نالی

لوولوو

لوءلوء.

لە ئالیی ئەشکی « نالیی » بێکەسە، غەڵطانی نێو خاکە
مەگەر سەمعی قەبووڵت موشتەریی لوولوویی لالا بێ!

سەرچاوە: نالی

هەیوولا

ماددە.

لەکن ئەو جەوهەرە فەردە لە هەیولا نییە باس
لە حیکەم پەروەرییی بوو عەلی سینا نییە باس

سەرچاوە: نالی

جەهوول

هیچ نەزان.

لە (دار العلم) ی تەحصیلی مەعاریف
وەکوو « نالیی » جەهوول و بێ خەبەر مام

سەرچاوە: نالی

طوول

درێژیی.

شکەنجی عەرض و طوولی پێچی زوڵفت بێ سەرەنجامە
مەثەل طوولی ئەمەل، عومری خضر، زنجیری سەودامە

سەرچاوە: نالی

فوصوول

وەرزەکانی ساڵ.

شامی هەموو نەهار و فوصوولی هەموو بەهار
تۆزی هەموو عەبیر و بوخاری هەموو بوخوور

سەرچاوە: نالی

مەئموول

چاوەڕوانیی کراو.

هەرچەندە کە من عەبدم و ڕووزەردم و عاصیم ،، مەئموولە خەلاصیم
قوربانی بیلالم کە هیلالانە هەڵاتووم ،، هەر عەفوە خەڵاتم

سەرچاوە: نالی

مەبذوول

ئاسان.

بۆ هەر کەسێ مەبذوولە طەریقێکی ئەمانەت
هەر عاشقی بێچارە لە ڕێی خەوف و خەطەر ما

سەرچاوە: نالی

مەسلوول

ڕووتکراو.

برۆت تیغێکە کە وسمەی صەیقەل و مەسلوول و مووکارە
کە عیشوەی جەوهەرە، ڕەمز و ئیشارەی ئاوی مەودایە

سەرچاوە: نالی

مەعزوول

عەزڵکراو و لەکار خراو.

دڵم وەک حاکمی مەعزووله، قوربان!
خەڵاتی وەصڵی تۆی مەنظوورە ئەمشەو

سەرچاوە: نالی

مەقتوول

کوژراو.

دامەنی پاکیی مەداری دائیرەی خامەک نییە
خوێنی مەقتوولانە وا دامێنی یاری گرتووە

سەرچاوە: نالی

پوول

نەختێکی کەم و بێ بایەخ بووە.

بە پارێک نامەوێ دەرمان، لە نەشئەی چاوییە عیللەت
بە پوولێک ناکڕم عەنبەر، لەگەڵ زوڵفی ئەوە سەودا

تۆڕی زاراوەپارێزیی وشەدان