وشەدان

سەرچاوە: نالی

مەدعوو

بانگ کراو.

کە مەدعووی لازەمان و لامەکان و قوربی بێچوونی
سوار بە لەم بوراقە باریقە، لەم ڕەخشە ڕەخشانە

سەرچاوە: نالی

مەدمەع

ئەو ئەو شوێنەی فرمێسکی لێوە ئەڕژێ، چاو.

گریە به خوڕ دێتە خوار، هەروەکو عەینی بەهار
خۆش بووەتە ئابشار مەدمەعی سەرشاری من

سەرچاوە: نالی

مەدینەی مونەووەرە

شاری نوورانیی و پیرۆز، شاری مەدینه که پێغەمبەر له مەککەوە کۆچی بۆ کرد و لەوێ وەفاتی کرد.

ئەی ساکینی ڕیاضی مەدینەی مونەووەرە
لوطفێ بکه، بفەرموو: مەدینەی منە و، وەرە

سەرچاوە: نالی

مەدەد

یارمەتی.

« نالیی » کە غوڵامی مەدەدی زوڵف و برۆتە
شاهێکی لە بن سایەیی باڵی دوو هومادا

سەرچاوە: نالی

مەدەدکار

یارمەتییدەر.

چ میعمارانە بۆ تەعمیری کەعبەی دڵ دەچێتە حەج!
خودا یار و مەدەدکار و نیگەهداری عەماریی بێ!

سەرچاوە: نالی

مەرتەع

لەوەڕگە.

شەوەمما، شەوچراغی جەدی و ثەور و مەرتەعی شامی،
دوصەد قەرنی غەزالە و قۆچی صوبحی عیدی، قوربانە

سەرچاوە: نالی

مەرجان

گیاندارێکی دەریاییە وەک گیا وایە، چەسپ بووە بە زەوییەوە، سوور و سپیی و ڕەشی هەیە. بۆ جوانیی لە جەواهیرسازیدا بەکاری دێنن.

یەمی دیدە پڕ لە مەرجان، وەک یەشمی ئابدارە
شەبەیە شەبیهی زوڵفی سیاهی وەک زوخاڵیی

سەرچاوە: نالی

مەرحەمه

ڕەحمەت.

حیکمه تی تۆ مولهەمه، هەم قەدەمت مەرحەمە
موستەحەقی مەرهەمه سینەیی ئەفگاری من

سەرچاوە: نالی

مەرخ

وشەیەکی عەرەبییە بە جۆرە دارێکی ناسک ئەڵێن زوو دائەگیرسێ.

ئیلتیقای پۆڵا و ئاسن هەر نیزاعە و گیر و دار
جەمعی ماء و نار و زەند و زەندەوو، مەرخ و عەفار

سەرچاوە: نالی

مەردوم

خەڵک. بیبیلەی چاو.

جێگایێ نەظەرگا بێ، شەش جانیبی دەریا بێ،
ئەی مەردومی سەیرانیی، لەم خیططەیە هەر چاوە

سەرچاوە: نالی

مەردوم - ی دووهەم -

گلێنەی چاو.

نییه دیدەیی چ مەردوم، نییە مەردومی چ دیدە
لە فرووغی خەددی فاریغ، لە خەیاڵی خاڵی خاڵیی

سەرچاوە: نالی

مەردوم - ی یەکەم -

خەڵک.

نییه دیدەیی چ مەردوم، نییە مەردومی چ دیدە
لە فرووغی خەددی فاریغ، لە خەیاڵی خاڵی خاڵیی

سەرچاوە: نالی

مەردی

پیاوەتی.

ئەو پیری خەرەف، ئافەتی مەردییو صەفا بو
تۆ شۆخ و جوان، دوور بی لە ئافات و خەرافات

سەرچاوە: نالی

مەرز و بووم

له دوو وشەی (مەرز) و (بووم) پێکهاتووە که یەکەمیان واتە سنوور و دووهەمیان واتە ڕێ و شوێن و خاک و وڵات، ئیستا تێکڕا بەمەعنا وڵات و ناوچە بەکار ئەهێنرێ،

« نالیی » کەوا سەگی سەگی ئەو مەرز و بوومەیە
ئەمما سەگی موعەللەمی بێ دەنگ وبێ وەڕە،

سەرچاوە: نالی

مەرهەم

مەڵهەم، دەرمان،

حیکمه تی تۆ مولهەمه، هەم قەدەمت مەرحەمە
موستەحەقی مەرهەمه سینەیی ئەفگاری من

سەرچاوە: نالی

مەرید

یاخیی، کینایەیە لە شەیتان.

ئەو شێخە بە کوم مەگرە کە پەشمینە مەریدە
ئەو ڕیشە بەسەر دارەوە ڕیسێکی بوزانە

سەرچاوە: نالی

مەرەض

نەخۆشیی.

یادی چاوی بە فوتوورت لە دەرووندا مەرەضە
غەمی زوڵفی بەخەمت بوو لە دڵما بە گرێ

سەرچاوە: نالی

مەزبەلە

شوێنی تێڕشتنی پل و پووش و پیسایی ناوماڵ.

ئەم ئەرضە مەزرەعەی عەمەلە و کوڵخەنی ئەمەل
هەندی بووە بە مەسجید و، هەندی بە مەزبەلە

سەرچاوە: نالی

مەزرەع

مەزرەعە، جێگای کشتوکاڵ.

هەم گوڵبەنی بێ خاری، هەم مەزرەعی ئەزهاری
هەم مەخزەنی ئەسراری، ئیثباتی مەزایا کچ

سەرچاوە: نالی

مەزرەعە

کێڵگە، دێبەر.

ئەم ئەرضە مەزرەعەی عەمەلە و کوڵخەنی ئەمەل
هەندی بووە بە مەسجید و، هەندی بە مەزبەلە

تۆڕی زاراوەپارێزیی وشەدان