وشەدان

سەرچاوە: نالی

مونعەقید

بەیەکەوە نووساو.

هەوای سەیری بەڕ و بەحر ئاگری بەرداوەتە عومرت
کە تۆزێ مونعەقید خاکی، دڵۆپێ مونجەمید ئاوی!

سەرچاوە: نالی

مونکەر

هاوڕێکەی نەکیر.

تەنگە ئەوا دەبێ کە لە ئەو جێگە تەنگەدا
سائیل نەکیر و عاریف و مەعرووف و مونکەرە

سەرچاوە: نالی

مونیر

ڕوناککەرەوە.

یاخۆ پەڵە بەفرێکی کە ئەصڵەن نەشکابێ
قەندیلی مونیر و گوزەری ئاب و هەوا بی

سەرچاوە: نالی

مونەججیم

ئەستێرەگرەوە.

مونەججیم کەرگەس و لاشەی لە لا شەیئێکە، نەیزانی
کە ئەم ئەفلاکە چەند لاکە، کە ئەم گەردوونە چەند دوونە

سەرچاوە: نالی

مونەووەر

ڕووناک، نوورانی.

سپی نەذیرە هەموو موو لە سیڕڕی (وَجهُ) لەسەر
مونەووەرە، لە طەرەف نوورەوە بووە بە نەذیر

سەرچاوە: نالی

موهرەگوشا

سەرقاپ کراوە، کینایەیە لە کچی بە ژن کراو.

ئایینە بە مایینە دەبێ ڕەنگ نوما بێ
(مەستوورە) بەمەستوورە دەبێ موهرەگوشا بێ

سەرچاوە: نالی

موو سونبول

ئەوەی تازە مووی لێ هاتبێ و مووەکانی ڕووی وەک سونبول ناسک بن.

نەرگس نیگەهـ و ساق سەمەن، کورتە بەنەفشەن
موو سونبول و، ڕوومه ت گوڵ و، هەم لاله کولاهن

سەرچاوە: نالی

موو کەمەر

قەد باریک وەک موو.

دندان گوهەر و لەب شەکەر و، پەنجە بلوورن
نازک بەدەن و، موو کەمەر و، سیم سرینن

سەرچاوە: نالی

مووبەششەر

مژده پێدراو.

ڕەحمەت به حوسنی صوورەتی ئینسان ظوهوری کرد
(خَیْرُ الْبَشَر) لەقەب به شەفاعەت مووبەششەره

سەرچاوە: نالی

موودن

دارجگەرە.

سەهم و نەصیبی ئەصلییە، بەحثی گیاە و گڵ نییە
تووتنە خەرجی سووتنە، موودنە ماچی لەب دەکا

سەرچاوە: نالی

موور

مێروولە.

ئەو غاری یارە ئیستە پڕ ئەغیارە، یا نە خۆ
هەر غاری یارە، یا بووەتە غاری مار و موور؟

سەرچاوە: نالی

مووقەددەم

پێشخراو.

ئەفرادی مورسەلين هەموو یەک ڕازه، ئام کەلام
لەم جێگەدا بزانه موقەددەم موئەخخەره

سەرچاوە: نالی

مووچە

مووچ، دەست.

هەی کەرێکم بوو، چ پەیکەر؟ طەیکەری هەوراز و لێژ
سینە پان و مووچە کورت و شانە بەرز و گوێ درێژ

سەرچاوە: نالی

مووکار

ئەڵێن ئەو تێغە موو ئەکا واتە زۆر تیژە تەنانەت موو لە ژێریا نانووشتێتەوە، بەڵکو دەسبەجێ ئەقرتێ.

برۆت تیغێکە کە وسمەی صەیقەل و مەسلوول و مووکارە
کە عیشوەی جەوهەرە، ڕەمز و ئیشارەی ئاوی مەودایە

سەرچاوە: نالی

موژه

برژانگ.

بیناییم کوێرە، هەڵنایێ به ڕووی کەس
موژەم یەک یەک دەڵێی بزمارە بێ تۆ

سەرچاوە: نالی

موژگان

برژانگ.

کووچە کووچە خوون چەکەی پەیکانی موژگانی گوڵم،
بۆ شەهیدیی شاهیدە دائیم کە خوێنم جارییە

سەرچاوە: نالی

موکەددەر

لێڵ. عاجز و خەمبار.

بێ تووکی جیفە خواریی و گورگین و بێ وجوود
لەم ئاو و خاکه ظاهیر و باطین موکه ددەرە

سەرچاوە: نالی

موێ

موویەک.

عەرعەر عەدیلی قەددیە، یەعنیی بەرابەرن
سونبول شەبیهی زوڵفییە، فەرقی نییە موێ

سەرچاوە: نالی

مەدینەی مونەووەرە

شاری نوورانیی و پیرۆز، شاری مەدینه که پێغەمبەر له مەککەوە کۆچی بۆ کرد و لەوێ وەفاتی کرد.

ئەی ساکینی ڕیاضی مەدینەی مونەووەرە
لوطفێ بکه، بفەرموو: مەدینەی منە و، وەرە

سەرچاوە: نالی

کەنزی موطەلسەم

گەنجینەی تەلیسماویی.

ئەو سێبەرە که مەظهەری حوببی خوادییه
کەنزی موطەلسەمی نەظەری حەییی ئەکبەرە

تۆڕی زاراوەپارێزیی وشەدان