وشەدان

سەرچاوە: نالی

قەلعە

قەڵا.

ئەی قەلعەیی ماهم کە دەڵێی ئەوجی بورووجی!
وەی قوللەیی دووریی کە دەڵێی قامەتی عووجی!

سەرچاوە: نالی

قەلفڕ

کینایەیە لە دەرکردن و دوورخستنەوە.

بەزمی هوزارە، قەل فڕی ئەغیارە، دەوری گوڵ
صۆفیی! بڕۆ، مەبە بە دڕک، تۆ لە ئێمە نیی..

سەرچاوە: نالی

قەللابی

بێباریی.

بەزمی ڕەندانە ئەمە، مەلعەبەیی وەعظ نییە
لە بەد و نێکی یو قەللابی یی دونیا نییە باس

سەرچاوە: نالی

قەلەندەر

کەسێ هیچ پەیوەندێکی به دنیاوە نەبێ.

فەرشی پەڵاسە، دۆشەکی خاکه، سەرینی بەرد
بێ تووک و، ڕووت و قووت و، فەقیر و قەلەندەرە

سەرچاوە: نالی

قەمطەریر

دژوار و تەنگ و نالەبار.

ئەو ڕۆژی ئاخیرەی کە چ ڕۆژی لە دوو نییە
ڕوو ترش و قەمطەریر و عەبووس و غەضەنفەرە

سەرچاوە: نالی

قەمچی نەچێژ

ئەوەندە باش و گورج، پێویست بە قامچی پیادان نەکردوو.

کەللە وەک جەڕڕەی شەرابی پڕ نیشاط و تەڕ دەماغ
شێری نەڕ، ئاهوویی بەڕ، گورگی سەفەر، قەمچیی نەچێژ

سەرچاوە: نالی

قەناره

دارێکە قولاپی ئاسنی پێوەیە قەساب گۆشتی پیا هەڵئەواسن.

گەردنکەچی زوڵفی بووی، سا دڵ مەدە بەر موژگان
وا خۆت لە تەناف داوە، ئیتر لە قەنارەت چیی!

سەرچاوە: نالی

قەندیل

چیای قەندیل لە ڕۆژەڵاتی باکووری کوردستانی عێراق.

یاخۆ پەڵە بەفرێکی کە ئەصڵەن نەشکابێ
قەندیلی مونیر و گوزەری ئاب و هەوا بی

سەرچاوە: نالی

قەوام

هۆی ڕاگیر بوون.

چ نوورێکە لە حوجرەی ڕەوضەدا وا قائیمە قوببەی،
قەوامی عەرش و فەرش و قەلبی ئینس و قالەبی جانە!

سەرچاوە: نالی

قەوس

کەوان.

سەهم هەتا جوعبەنشین بێ، گۆنە زەردی خەڵوەتە
قەوس هەتا چللە گوزین بێ، هەر ئەسیری خوارییە

سەرچاوە: نالی

قەڕڕاڵ

قەڕاڵ، پادشا.

خۆی کردووە بە گەورە و و قەڕڕاڵی موڵکی تەن
پشت و وەزیری ئەو سەگە دەججالی ئەعوەرە

سەرچاوە: نالی

قەڵبەزەن

بێکارە.

تەرکی ئارایشی تەن نەقدی ڕەواجی عەرەبە
تۆ عەجەم، مەردی موزەخرەف تەنیی و قەڵبەزەنی

سەرچاوە: نالی

قەڵغان

بەرگرێکی له پۆڵا دروست کراوە له چەشنی ساج، جاران شەڕکەر گرتوویانه به ڕوویانەوە بۆ خۆ پاراستن له تیر و شیری دوژمن.

مەڵێن کەڵکی نەبوو، ڕۆیی، جەهەننەم!
سەرم قەڵغانه بۆ تیری قەضاتان

سەرچاوە: نالی

قەید

زنجیر.

لە پێت ئاڵاوە حەڵقەی ماری گێسووت
عەجایەب حەییی بێ جان قەیدی موطڵەق!

سەرچاوە: نالی

قەید

کۆت.

بیدە بە دڵم، شیفتە بۆ شیفتە چاکە..
بیخە ملم، ئەو قەیدە بە دێوانە ڕەوایە..

سەرچاوە: نالی

قەیصەر

لەقەبی پادشاهانی ڕۆم و ڕووس بووە.

که تۆی شای کەچ کولاهی دیدە مەستان،
چ باکم قەیصەر و فەغفوورە ئەمشەو؟!

سەرچاوە: نالی

قەیکردنەوە

ڕشانەوە.

قامەتت نەخلە، بە شیری، فائیقەی پەی کردووە
نەحلی بێنێشی مەمەت شەهدی سپیی قەی کردووە

سەرچاوە: نالی

مەیموون قەدەم

پێ بە ڕز ق و ڕۆزی. ئەڵێن ساڵی مەیموون ساڵێکی پڕ خێر و بەرەکەتە. یاخود پێ وەک پێی مەیموون.

مل عەلەم، شیرین قەلەم، ئاهوو شکەم، مەیموون قەدەم
سم خڕ و کلک ئێستر و مەنزل بڕ و عارەق نەڕێژ

سەرچاوە: نالی

هەم قەدەم

هاوپێ، هاوڕێ.

دولبەری عالیی دەماغ، هەم قەدەمی سەروی باغ
بێتە نەظەرگەی قەراغ دیدەیی جۆباری من

سەرچاوە: نالی

کرمی قەز

کرمی ئاوریشم.

ئێمە مەردین و هەموو شێری خەشینپۆشی مەصاف
کرمی قەز هەرچی تەنیی، بو تەنی نیسوانی تەنیی

تۆڕی زاراوەپارێزیی وشەدان