وشەدان

سەرچاوە: نالی

دەورانیی

ئەوەی بە دەوری خۆیا خول بخوا، یا ئەم دەس و ئەودەسی پێ بکەن.

دەورانییە، وەک هێڵەکی سەودا، سەری گێژم
بۆیە بە دەقیقیی مەثەلە هەرچی دەبێژم

سەرچاوە: نالی

سەیرانیی

سەیرانکەر. جێگایەک بۆ سەیران بشێ.

جێگایێ نەظەرگا بێ، شەش جانیبی دەریا بێ،
ئەی مەردومی سەیرانیی، لەم خیططەیە هەر چاوە

سەرچاوە: نالی

وێرانێ

وێرانەیەک.

عەشق سوڵطانێکە هەر گا ڕوو لە وێرانێ بکات
ئاهی سەرد و، ئەشکی گەرم و، قەلبی بوریانی دەوێ

سەرچاوە: نالی

گرانبار

ئەوەی باری گرانی لەسەر شان بێ. باری قورس

ئەی نەفسی مورائیی چ گران باری، تەکالیف
بۆ خەلقی دەکێشی.. دە هەڕۆ ڕیش و جەدەو بە

سەرچاوە: نالی

گرانناز

ئەوەی نازی بە گران بکەوێتە سەر خەڵک.

ئەی شۆخی بێ نیاز و گرانناز و غەمزە سووک!
تیری موژەت نیشانەیی دڵ کون دەکا بە نووک

سەرچاوە: نالی

گوڵ خەندەران

گوڵێکی سوورە، ئەڵێن کە بنیادەم پێ بکەنێ. ئەو لە ناسکیدا لەت ئەبێ.

ئەم بچێ، ئەو دادەنیشێ دەم وەکوو گوڵ خەندەران
ئەم دەبێ هەستێ کە ئەو بێ، چاو یەک و قەطرە هەزار

سەرچاوە: نالی

حەیران

سەرسام.

لە هیجری یووسفی میعراجی، یەعقووبی فەلەک، چاوی
نوجوومی بوو سپی، هێشتاکو هەر حەیران و سەهرانە

سەرچاوە: نالی

دەوران

خولخواردنەوە، سووڕانەوە.

موددێکە کە هەم گەردشی دەورانی سوپێهرم ،، موغبەڕ بووە میهرم
ئاوێنەیی دڵ شاهیدە هەرچەندە سییەهـ ڕووم ،، میرئاتی جەلاتم

سەرچاوە: نالی

دەوران

هەڵسووڕانی گەردوون. جامی جەمشید یەکێک بووە لە پادشا ناودارەکانی ئێران، ئەڵێن ئاوێنەیەکی بووە دنیای تیا دیوە. ئەوە جامەکەیەتی.

حەوادیث جام و دەوران بوو بە ساقی
لە بەزمی جامی جەمشیدی نەما باس

سەرچاوە: نالی

سەرگران

خەریک.

سەرگرانە قافڵە سالاری ڕێی چین و خەتا
چونکە باری عەنبەر و میسکە لە زولفەینی دو تا!

سەرچاوە: نالی

سەهران

شەونوخونیی کێش.

لە هیجری یووسفی میعراجی، یەعقووبی فەلەک، چاوی
نوجوومی بوو سپی، هێشتاکو هەر حەیران و سەهرانە

سەرچاوە: نالی

فەوران

فەوەران، هەڵقوڵان.

چەشمێکە میثلی خۆر کە لە صەد جێ، بە ڕۆشنی
فەورانی، نووری صافە لەسەر بەردی وەک بلوور

سەرچاوە: نالی

لامەکان سەیران

ئەو کەسەی لە شوێنی ناشوێندا سەیرانی کردووە.

مەکانی واسیطەی ئیمکان، مەکانەت بەخشی ئینس و جان
مەکینی لامەکان سەیران تێدا تەشریفی میوانە!

سەرچاوە: نالی

پاساران

پەنا گوێسەوانە.

فەرقی کۆساران لە پاساران دەفەرمووی وەک چییە؟
وەک عەزیزیی باز و وەک بێحورمەتیی پاسارییە

سەرچاوە: نالی

چەرخی دەوران

ئاسمانەکان.

وەها هەستا بە باڵی جاذیبەی قودرەت، لە نیوەی ڕێ
بەجێما ئەسپ و پەیک و ڕەفڕەف و ئەم چەرخی دەورانە

سەرچاوە: نالی

گوڵزاران

باخچەکان،

وەرە نێو بەزمی گوڵزاران و گوڵ زاران، تەماشاکه:
سەراسەر پێکه نینی گوڵ، لەبالەب غونچە پشکووتن

سەرچاوە: نالی

گوڵزاران

ئەوانه ی دەمیان وەک گوڵ جوان و بۆنخۆش و نازدارە،

وەرە نێو بەزمی گوڵزاران و گوڵ زاران، تەماشاکه:
سەراسەر پێکه نینی گوڵ، لەبالەب غونچە پشکووتن

تۆڕی زاراوەپارێزیی وشەدان