وشەدان

سەرچاوە: نالی

خەندە

پێکەنین. کرانەوە.

خەندەی نەفەسی تۆ بو وەکوو صوبح و نەسیمی
یا گوڵ دەمی پشکوتن و عەطری وەرەقی بوو

سەرچاوە: نالی

دارزردە

داری زەرد، شاخێکه له قەرەداغ.

شَوانیِ (سُلَیمانیِ) و صَبایْ (پیرْ مَصورَ) کَیْ
کِوانیِ (قَرَەداغٌ) و هَوایْ (دارِ زَرْدِ) ەِ

سەرچاوە: نالی

دیدە

دیتن.

دڵیش مایل به دیدەی تۆیە، بۆیە
لە من وەحشیی و ڕەمیدە و دوورە ئەمشەو

سەرچاوە: نالی

دیدە

چاو.

ئاهوویی حەرەم قیبلەیی ئەبرۆن که به دیدە،
ئەم شەهد لەبانه که هەموو شاهیدی چینن،

سەرچاوە: نالی

دیدە باز

چاو کراوە.

لێم حەرامە دانەوو ئاوی حەماماتی حەرەم
من کە بازی دیدە بازم نەک شەوارەی دەستەمۆم

سەرچاوە: نالی

دەرماندە

داماو.

چ زەرقا؟ بۆ سیاه ی ی دەفتەری هەر ناصییە ماحیی
چ طەیبە؟ بۆ تەبایی دەردی هەر دەرماندە دەرمانە

سەرچاوە: نالی

زەدە

لێدراو. دەست لێوەشێنراو.

لۆمەیی « نالیی » یی دێوانە مەکەن ئەی عوقەلا!
ئەمە موددێکە زەدەی لەطمەیی دەستی پەرییە

سەرچاوە: نالی

زەند و زەندە

دوو وشەی عەرەبین، دوو جۆرە دارن، سەروویان زەند و ژێروویان زەندەیە، لە بەیەک گەیاندن و لێکدانیان ئاگر پەیدا ئەبێ.

ئیلتیقای پۆڵا و ئاسن هەر نیزاعە و گیر و دار
جەمعی ماء و نار و زەند و زەندەوو، مەرخ و عەفار

سەرچاوە: نالی

سادە

بێ موو.

مەهـ مەهـ لە مەهی سادە: یەعنی لە قەمەر لادە
هەم شەمس و ثورەییا کچ، هەم زوهرەیی زەهرا کچ

سەرچاوە: نالی

سفیدە

سپیدە، ڕووناکیی.

له دوگمەی سوخمه دوێنێ نوێژی شێوان
بەیانی دا سفیدەی باغی سێوان

سەرچاوە: نالی

سوجدە

سوجدەی سەهو کە لە هەندێ حاڵەتی بەهەڵەداچوونی ناو نوێژدا بەر لە سەلام دانەوە - ئەبرێ.

سەوادی طوڕڕەیی ئەو ئیشتیباهی سەهوی جوان
بەیاضی غوڕڕەیی ئەم ئینتیباهی سوجدەیی پیر

سەرچاوە: نالی

سەودازەدە

ئەوەی دەردی عەشق لێی دابێ.

سەودازەدەکەی زوڵفت، ئەزهاری لەکن پەشمە
دوور لەو گوڵە بێ خارە، گوڵزاری لەکن پەشمە

سەرچاوە: نالی

عوقدە

گرێ.

هاتووم، وتی، عوقدەم هەیە، قەط مومکینە وا بێ؟
هیی تۆم ئەگەرەم مەسئەلە حەل کەی بە جەوابێ

سەرچاوە: نالی

عەربەدە

سەرخۆشیی و بەدمەستیی.

ئەوە چاوە کە هەڵدێنیی، صەد عەربەدە دەنوێنیی
هەر ڕۆحە کە بستێنیی، لەم غەمزە دوبارەت چیی!

سەرچاوە: نالی

فوتادە

ئوفتادە، کەوتوو.

داخۆ دەروونی شەق نەبووە (پردی سەرشەقام) ؟!
پیر و فوتادە تەن نەبووە (داری پیرمەسوور) ؟!

سەرچاوە: نالی

قاعیدە

بناغە.

چ مەککە؟ دار و بەردی قاعیدەی ئەرکانی ئیسلامە
چ طەیبە؟ ماء و خاکی مائیدەی ئەنواری ئیمانە

سەرچاوە: نالی

قەلادە

گەردنبەند.

گەردەن کەچی تۆم بێ کەشش و ڕست و قەلادە
وا ظەن مەبە ناعارف و هەرزە مەرەسێکم

سەرچاوە: نالی

مائیدە

سفرە و خوان.

چ مەککە؟ دار و بەردی قاعیدەی ئەرکانی ئیسلامە
چ طەیبە؟ ماء و خاکی مائیدەی ئەنواری ئیمانە

سەرچاوە: نالی

موسوەدە

موسەووەدە، ڕەشنووس، نووسراو بە لە پاکنووس کردنی.

بێتە حوجرەم، پارچە پارچەی موسوەدەم بکڕێ بە ڕۆح،
هەر کەسێ کووتاڵ و پارچەی بێ بەدەڵ سەودا دەکا

سەرچاوە: نالی

مەیکەدە

مەیخانە.

عاشق هەوەسی مەیکەدەوو عیلمی بەسیطە
عاقڵ طەلەبی مەدرەسەوو جەهلی مورەککەب

تۆڕی زاراوەپارێزیی وشەدان