وشەدان

سەرچاوە: نالی

قەلەندەر

کەسێ هیچ پەیوەندێکی به دنیاوە نەبێ.

فەرشی پەڵاسە، دۆشەکی خاکه، سەرینی بەرد
بێ تووک و، ڕووت و قووت و، فەقیر و قەلەندەرە

سەرچاوە: نالی

لەعلی بەدەخشان

لەعل بەردێکی سووری گرانبەهایە لە کان دەرئەهێنرێ و بەدەخشانیش وڵاتێکە لە ڕۆژەڵاتی باشووری ئێران بە کانی لەعل ناوبانگی دەکردووە.

من گریە، ئەتۆ خەندە بە یەکدی دەفرۆشین
من لەعلی بەدەخشان و ئەتۆ لوئلوئی لالا

سەرچاوە: نالی

لەندەهوور

چوارشانە و کەڵەگەت، مەبەست لە کەسانی وایە ئەوەندە زەبەللاح بن خەڵک لێیان بترسێ.

قەلبی مونەووەرە لە حەبیبانی نازەنین،
یا وەک سەقەر پڕە لە ڕەقیبانی لەندەهوور؟

سەرچاوە: نالی

مادەر

دایک.

وەرە قوربان! بە جان هەردوو برا بین
کە تۆ بێ مادەر و من بێ پودەر مام

سەرچاوە: نالی

ماری ئەژدەر

ئەژدەها، بەگوێری ئەفسانەی کۆن جۆرە مارێکی ئێجگار گەورەیە ئاگر لە دەمیەوە دەرئەچێ.

لایەک (زەبانییە) لە لەسەروکاری نارە، نار
(هل من مزید) زوبانیە وەک ماری ئەژدەرە

سەرچاوە: نالی

موددەعی

بەدکار.

چەندە خۆشە دابنیشین دوو بە دوو ئەمن و گوڵم
داکەوێتن موددەعی لەو خوارە هەروەک دەستی کەر

سەرچاوە: نالی

موددەعیی

ناحەزی لاف و گەزاف لێدەر.

کەوکەبەی طەلعەتی شاهانەیی تۆم بورهانە:
کە لەسەر موددەعی، سوڵطانی موبینە جەدەلم

سەرچاوە: نالی

موددەعیی

ئەوەی لەخۆیەوە ئیددیعای خۆشەویستی یار ئەکا و بەدرۆ خۆی پیا هەڵئەواسێ.

بە شەڕ هاتن ڕەقیب و موددەعیی، من خۆشی خۆشیمە
کە دەعوایە، له هەر لایە بکوژرێ سوودی ئیسلامە

سەرچاوە: نالی

موددەعیی

بەدکار.

من لە ئیحرامی ئەدەبدام و، ئەتۆش صەیدی حەرەم
موددەعیی، هەروەکو سەگ، بۆچی بە ئێمە دەوەڕێ؟!

سەرچاوە: نالی

مووقەددەم

پێشخراو.

ئەفرادی مورسەلين هەموو یەک ڕازه، ئام کەلام
لەم جێگەدا بزانه موقەددەم موئەخخەره

سەرچاوە: نالی

موکەددەر

لێڵ. عاجز و خەمبار.

بێ تووکی جیفە خواریی و گورگین و بێ وجوود
لەم ئاو و خاکه ظاهیر و باطین موکه ددەرە

سەرچاوە: نالی

میندەف

گۆزی هەلاجیی کە لە ژێ و کەوانەی ئەدەن و لۆکەی پێ شی ئەکەنەوە.

شێخیی و سەر لنگە دەستاڕی بە دەستاری بوزورگ
ڕەندم و، دەستاری کەلـلەی من دەفە، نەک میندەفە

سەرچاوە: نالی

مەدەد

یارمەتی.

« نالیی » کە غوڵامی مەدەدی زوڵف و برۆتە
شاهێکی لە بن سایەیی باڵی دوو هومادا

سەرچاوە: نالی

مەدەدکار

یارمەتییدەر.

چ میعمارانە بۆ تەعمیری کەعبەی دڵ دەچێتە حەج!
خودا یار و مەدەدکار و نیگەهداری عەماریی بێ!

سەرچاوە: نالی

مەعدەن

کان.

شاهیدی عەدله و وەفا، مەعدەنی صیدقە و صەفا
هاتووە دەرمان بکا قەلبی برینداری من

سەرچاوە: نالی

مەقدەم

هاتن.

جێ بازی مەقدەمی شەوی قەدر و مەعاریجی
سەربانی عەرش و کورسی یو جوبرەیلی شەهپەڕە

سەرچاوە: نالی

مەندەبوور

بەدبەخت.

دەسبەندیانە دێن و دەچن سەرو و نارەوەن،
یا حەڵقەیانە صۆفییی ملخوار و مەندەبوور؟

سەرچاوە: نالی

مەیموون قەدەم

پێ بە ڕز ق و ڕۆزی. ئەڵێن ساڵی مەیموون ساڵێکی پڕ خێر و بەرەکەتە. یاخود پێ وەک پێی مەیموون.

مل عەلەم، شیرین قەلەم، ئاهوو شکەم، مەیموون قەدەم
سم خڕ و کلک ئێستر و مەنزل بڕ و عارەق نەڕێژ

سەرچاوە: نالی

نەدەم

پەشیمانیی،

دوێنێ چ بو دەتدا به زوبان لافی کەرامەت؟!
ئەمڕۆ نەدەمت بوو، نه دەمت بوو، نە دەمت بوو!

سەرچاوە: نالی

هەردەمە

هەرکاتێ.

هەردەمە فەرشی کەسێکی کەیە بێ مەهر و نیکاح
دوور لە چاکانی، عەجەب فاحیشە دنیایێکە!

تۆڕی زاراوەپارێزیی وشەدان