وشەدان

سەرچاوە: نالی

دار

داری بەرابەری بەرد. ماڵ.

دَرٌونِی لِدارِ الـ (شّارَزُورِ) وَ بَرْدِهِ
کَفْرْمِیسْکٍ کَرْمٍ اِلی آوِ سَرْدِهِ

سەرچاوە: نالی

دار العلم

خوێندنخانە.

لە (دار العلم) ی تەحصیلی مەعاریف
وەکوو « نالیی » جەهوول و بێ خەبەر مام

سەرچاوە: نالی

گیر و دار

وشەیەکی فارسییە بەمەعنا بگرە و ڕاگرە. ئیستا بەمەعنا هەرا و کێشە بەکاردێت.

ئیلتیقای پۆڵا و ئاسن هەر نیزاعە و گیر و دار
جەمعی ماء و نار و زەند و زەندەوو، مەرخ و عەفار

سەرچاوە: نالی

دارا

دارێوش، دوا پادشای بنەماڵەی هەخامەنشی کە ئەسکەندەری مەکدوونی بەزاندی.

بە سەراوێزەیی چاوێنەییی کەللەی سەریان
لە کەی و قەیصەر و ئەسکەندەر و دارا نییە باس

سەرچاوە: نالی

دارزردە

داری زەرد، شاخێکه له قەرەداغ.

شَوانیِ (سُلَیمانیِ) و صَبایْ (پیرْ مَصورَ) کَیْ
کِوانیِ (قَرَەداغٌ) و هَوایْ (دارِ زَرْدِ) ەِ

سەرچاوە: نالی

داری هیند

سەرچاوە: نالی

تەدارەک

فریاکەوتن. ئامادە.

بەقییەی عومری ضایع گەر مورادت پێ تەدارەک بێ
حەیاتی مەککەت و مەوتی مەدینەت جەبری نوقصانە

سەرچاوە: نالی

صەدارەت

کەوتنە لای سەرەوە. ئیشارەتیشە بە زاراوەی (صەدر) کە لە سەردەمی عوسمانییەکاندا بە سەرەکوەزیران وتراوە.

کێ دەستی دەگاتە بەی و ناری نەگەیشتووت
لەو تەختە کەوا صاحیبی مۆرن بە صەدارەت؟

سەرچاوە: نالی

خڕیدار

سەرچاوە: نالی

دڵدار

داری دڵ. خاوەن دڵ.

نەو نیهالی قەدی تۆ عەرعەرە، دڵخواهی منه
ڕاستە دڵدارە، وەلێ حەیفە کەوا بێ ثەمەرە!

سەرچاوە: نالی

شیوی ئاودار

شیوێکە لە ڕۆژاوای باکووری سولەیمانییەوە بەلای سەرچناردا.

ئێستەش سوروشکی عیشقی هەیە (شیوی ئاودار) ،
یاخۆ بووە بە صۆفیی وشکی لە حەق بە دوور؟!

سەرچاوە: نالی

عەلەمدار

سەرچاوە: نالی

نیگەهدار

ئاگادارییکەر.

چ میعمارانە بۆ تەعمیری کەعبەی دڵ دەچێتە حەج!
خودا یار و مەدەدکار و نیگەهداری عەماریی بێ!

سەرچاوە: نالی

پاکی مەدار

خولگەی پاکیی و خاوێنی.

دامەنی پاکیی مەداری دائیرەی خامەک نییە
خوێنی مەقتوولانە وا دامێنی یاری گرتووە

تۆڕی زاراوەپارێزیی وشەدان