شوێنێکە دە کیلۆمەترێک لە سولەیمانییەوە دوورە، جۆگایەکی لە سەرچنارەوە بۆ دێ.

دەموت دوو چاوی خۆمە ئەگەر (بەکرەجۆ) یی ئەشک
نەبوایە تیژ و بێ ثەمەر و گەرم و سوێر و سوور

مناڵێ بەر له پڕکردنەوەی نۆ مانگ و نۆ ڕۆژەکه ی لەدایک بووبێ.

حوجرەکە ئاوس بو، وەعدەی بەهارێ بوو بزێ
وەضعی حەملی کەوتە پایز نابەکام و ناتەواو

ئەوەی پێستی حەیوان لەبەر ئەکا. مەبەست لە (مەجنوونی لەیلا) یە.

پۆست بە کۆڵی (عامیری) فەرمووی کەوا بۆ پوختە بوون
جەوتی سەرکێوان گەلێ چاتر لە (تاڵیی شاری) یە

کون کون وەک پەنجەرە.

دڵ موشەببەک بوو لەبەر ئێشانی نیشانی موژەت
حەیفە قوربان! ئاخر ئەم نیشانەیی شانی هەیە