وشەدان

سەرچاوە: نالی

خیابان

ئەو هێڵە سپییەی لەنێوان دوو نیوەی بەیتی قەسیدەدا ستوونیی دائەکشێ. هەروەها سپێتی نێوان دێڕێک و دێڕێک.

وەرە سەیری خیابان و بەیاضی دەفتەری نالیی
کە صەف صەف، مەصرەعی بەرجەستە، ڕیزی سەروی مەوزوونە

سەرچاوە: نالی

خیابان

شەقام.

شوتوربانا! ئەمە پەرژینی باغی ڕەوضەیە، یاخۆ
عەرار و عەرعەر و بانی خیابانی بیابانە؟!

سەرچاوە: نالی

خەرابات

کەلاوە کۆن و وێرانە.

ئەگەر تەکیە، ئەگەر شێخە، هەموو داوی عەلایق بوون
بڵا « نالیی » بچێ مەستی خەرابات و موجەڕڕەد بێ!

سەرچاوە: نالی

خەرابات

وێرانە و کاول.

خەراباتی دڵی « نالیی » مەفەرموو: خاڵییە، نایەم!
به مەرگی تۆ قەسەم، چاوم! به ذیکرت بەیتی مەعموورە..

سەرچاوە: نالی

خەمڵابێ

ڕازابێتەوە.

دامێنی بە ئەنواعی گوڵ و مڵ خەمڵابێ
گەنجێکی تێدا بێ کە طیلەسمی نەشکابێ

سەرچاوە: نالی

زەنابیل

جەمعی (زەنبیل) ە، جۆرە سەبەتەیەکی دەستییە میوە و سەوزە و شتی وای تێ ئەکرێ.

دو و مینە ئیلتیجام ئەمەتە ئەو دەمەی دەبێ
ئەلواحی ئەڵحەدم بە زەنابیلی مەعطەرە

سەرچاوە: نالی

ظوڵمەت ئاباد

تاریکستان.

لەسەر ئەو ظوڵمەت ئابادی شەوی کوفرە کە طالیع بوو،
صەڵا هەستا لە ئینس و جان کە ڕۆژی نووری ئیمانە

سەرچاوە: نالی

قابیلی قیسمەت

ئەوەی بە بەشی خۆی ڕازی بێ یا ئەوەی بۆ دابەش کردن بشێ.

بەندە ئەزەل بە خەططی خۆی قابیلی قیسمەتی بووە
ئیستە بە ئیقتیضای عەمەل جێگەیی خۆی طەڵەب دەکا

سەرچاوە: نالی

قابیلە

وەرگر. ڕەزامەند.

هەم جاذیبەوو قابیلەیی ئەخذ و عەطا بێ!
مەستوورەوو مەخفیی، شەبەهی بادی صەبا بێ!

سەرچاوە: نالی

قانیعی بابی ڕەضا

لە دەرگای ڕەزامەندیدا بە بەشی خۆی قنیات کردوو.

قانیعی بابی ڕەضا و ڕاضی بە پووش و دڕک و داڵ
سالیکی صەبر و تەحەممول، بوردەبار و هیچ نەوێژ

سەرچاوە: نالی

قوللابی

وەک قولاپ.

موژەت قوللابییە هەم تیر و هەم شیر
برۆت میحرابییە هەم تاق و هەم جووت

سەرچاوە: نالی

قەللابی

بێباریی.

بەزمی ڕەندانە ئەمە، مەلعەبەیی وەعظ نییە
لە بەد و نێکی یو قەللابی یی دونیا نییە باس

سەرچاوە: نالی

موتابیع

ئەوەی چاو لەدووی شتێک بێ.

باقێ کە ڕووی لە کەففەیی میزانە، یەکسەرە.
هەرچەند سەرە موتابیعی میعیاری دوو سەرە

سەرچاوە: نالی

موحابات

هەڵاوێردن.

کەمەندی زوڵفی دوو لانە، لە بۆ گەبر و موسوڵمانە
دەکێشێ بێ موحابانە، چ لەملا بێ، چ لەولا بێ!

سەرچاوە: نالی

موشابیە

وەک. غەیر

ئەلیف نەکیرەوو بێگانە، نایەتە تەعریف
عەلەم موشابیهی غەیر و مولازیمی تەنکیر

سەرچاوە: نالی

میحرابگەهـ

شوێنی میحراب. ئەو شوێنەی مزگەوت کە پێش نوێژی تیا ئەوەستێ.

ئەی مەسجید و میحرابگەهت قیبلەیی حاجات ،، بۆ ئەهلی موناجات!
مەحجووبی هەوام و ئەمەتە مەشهوودی مەعلووم ،، بۆ ڕاهی نەجاتم

سەرچاوە: نالی

مەحابا

لایەنگری.

بێ مەحابا ئاو دەڕێژێ گەهـ بە فەور و گەهـ بە دەور
چاوی من موددێکە شێوەی ئابشاری گرتووە

سەرچاوە: نالی

نابەکام

مناڵێ بەر له پڕکردنەوەی نۆ مانگ و نۆ ڕۆژەکه ی لەدایک بووبێ.

حوجرەکە ئاوس بو، وەعدەی بەهارێ بوو بزێ
وەضعی حەملی کەوتە پایز نابەکام و ناتەواو

سەرچاوە: نالی

نەسمابێ

نەسمرابێ، کون نەکرابێ.

ئەم سیڕڕە چییە میثلی سوها بێ، نەسوابێ؟!
دوڕڕێ کە وەکو دوڕڕی سەما بێ، نەسمابێ؟!

سەرچاوە: نالی

هەڵیدابێ

پەیدابووبێ و هەڵکەوتبێ.

یا گردەکی گردێکی کە شیرین هەڵیدابێ
گردی نمەکین، یەعنی گیای لێ نەڕووابێ

تۆڕی زاراوەپارێزیی وشەدان