وشەدان

سەرچاوە: نالی

ئەلیف

(ال) ، ئەلف لامی تەعریف. ئیشارەتیشە بە (هینەکەی) پیاو کە وەک تیپی (ئەلف) درێژە.

ئەلیف نەکیرەوو بێگانە، نایەتە تەعریف
عەلەم موشابیهی غەیر و مولازیمی تەنکیر

سەرچاوە: نالی

ئەلەم

ئازار.

(فاتیحە!) تەسخیرە شاری دڵ به طابووری ئەلەم
موددەتێکی زۆرە پاتەختە لەبۆ خاقانی غەم

سەرچاوە: نالی

ئەم

ئیشارەتە بۆ نزیک کە لێرەدا (ئاسن) ـەکەیە، کەچی نالییی ئیشارەتی بۆ (پۆڵا) کە پێ کردووە.

ئەم لەسەر تەعظیم و گەورە گرتنی ئەو بێ قوصوور
ئەو لەسەر تەحقیر و تەخفیف و شکستی زاری مار

سەرچاوە: نالی

ئەمارەت

نیشانە.

شەقاوەت بوو بە دوود و داخیلی کوورەی ضەلالەت بوو
ئەمارەت خوسری خوسرەو، کەسری کیسرا، شەققی ئەیوانە

سەرچاوە: نالی

ئەمانەت

شتێکی کەسێکی تر دانرابێ،

وەفای عەهدە له من ڕۆح و، له تۆ ماچ
چییه چارەی ئەمانەت غەیری تەسلیم

سەرچاوە: نالی

ئەمانەت

سەلامەتی.

بۆ هەر کەسێ مەبذوولە طەریقێکی ئەمانەت
هەر عاشقی بێچارە لە ڕێی خەوف و خەطەر ما

سەرچاوە: نالی

ئەمر

فەرمان. له عیلمی صەرفیشدا یەکێکه له فیعله کان.

حاضری ئەمر و خیطابه دڵ، ئەگەرچیی مەنهییە!
راجیعی تۆیە ضەمیری من، ئەگەر چیی غائیبه!

سەرچاوە: نالی

ئەمما

بەڵام.

« نالیی » نییەتی سیحری بەیان، حیکمەتی شیعرە
ئەمما نییەتی قووەتی دڵ، قودرەتی ئینشا

سەرچاوە: نالی

ئەمێستەیش

ئیستەیش.

ئەمێستەیش، گەرچی عەیش و عوشرەتت هەر تاڵ و تاڵاوە
بە مەرگی تۆ، لە پاشانیش دەخۆی تاڵاوی تاڵاوی

سەرچاوە: نالی

ئەمەل

هیوا.

ئەم ئەرضە مەزرەعەی عەمەلە و کوڵخەنی ئەمەل
هەندی بووە بە مەسجید و، هەندی بە مەزبەلە

سەرچاوە: نالی

ئەمەو

ئەم، ئەو.

ئەو شاهی ماهی میسره، ئەهالیی له ڕێی سوجوود
قورئان دەڵێ که بەنده ئەمەو بەنده پەروەرە

سەرچاوە: نالی

ئەمەک

وەفا. ئومێدێک.

عەمری بێ حاصڵی من چوو بە عەبەث
ئەمەکم هەرچی هەبوو چوو بە عەبەث

سەرچاوە: نالی

ئەنبار

عەمار.

لامەدە « نالیی » لە ئەنباری جیرایەی صاڵحان
گەرچی ببیە خۆشەچینی دانەیی خەرمانی ڕۆم

سەرچاوە: نالی

ئەنباریی

نیشتەجێی عەمار.

قوش قوشی ڕاویی نەبێ، مورغی کولانە و ئاخوڕە
سەگ سەگی تازیی نەبێ، کادینیی و ئەنبارییە

سەرچاوە: نالی

ئەنجوم

جەمعی (نەجم) ە واتە ئەستێرەکان.

لە خەوف و خەجڵەتی، بەدری شەهی ئەنجوم سوپەهـ ئێستەیش
کە هەڵدێ، زەردیی و سووریی لە طەلعەتیا نومایانە

سەرچاوە: نالی

ئەندەر

لەناو.

لە جوملەی موعجیز ئەندەر موعجیزی: ئەحکامی قورئانە
کە میعراجی بوڵەندی ئەووەلی ئایاتی « سوبحان » ـە

سەرچاوە: نالی

ئەنهار

جەمعی (نەهر) ە واتە جۆگه.

ڕۆژ پڕە گوێمان لەبەر ئەنهار و جۆگە و هاژە هاژ
شەو نییە خەومان لەبەر قرژاڵ و بۆق و ژاوە ژاو

سەرچاوە: نالی

ئەنوار

جەمعی (نەور) ە واتە

نەجم و شەجەر و نەرگس و ئەنواری شگۆفە
جیلوەی چەمەنن، یەعنی زەمین بوو بە سەماوات

سەرچاوە: نالی

ئەنوەر

ڕووناکتر.

تەشبیهی حوسنی فائیقی، ئاخر، به چی بکەم!
نووری سونووحی طەلعەتی صەد لەوحی ئەنوەره

سەرچاوە: نالی

ئەنگووت

هەڵی کرد.

هەناسەم زوڵفەکەی لادا و مەیلێکی نەکرد چاوی
نەسیم ئەنگووت و شەو ڕابورد و نەرگس هەر لە خەودایە

تۆڕی زاراوەپارێزیی وشەدان