یەكسانیی ستوونی و ئاسۆیی. یەكسانیی ئاسۆیی، واتە هەڵسوكەوتی یەكسان و دادپەروەرانە لەگەڵ ئەو كەسانەدا كە دۆخێكی یەكسانیان هەیە، بەپێی پرەنسیپی یەكسانیی ئاسۆیی ئەو كەسانەی كە دۆخێكی یەكسانیان هەیە، بە یەكسانی بەریان دەكەوێت. یەكسانیی ستوونی، واتە هەڵسوكەوتی یەكسانانە لەگەڵ ئەو كەسانەی كە دۆخێكی جیاوازیان هەیە.

تێكەڵاوكردنی ستوونی لە بەرامبەر ئاسۆییدا. پڕۆسەی بەرهەمهێنانی یەكێك لە قۆناخەكانە؛ بۆ نموونە، بەردی ئاسن دەكرێتە شمشی پۆڵا، شمشی پۆڵا دەكرێتە پلێتی پۆڵا (rolled steel sheets) و پلێتی پۆڵاش دەكرێتە بەشەكانی ئوتۆمبیل. تێكەڵاوكردنی ستوونی واتە تێكەڵاوكردنی دوو یان زیاتر لە دوو قۆناخی جیاوازیی ئەم پڕۆسەیە (بۆ نموونە، بەردی ئاسن و شمشی پۆڵ) لە ناو تاكە كۆمپانیایەكدا. تێكەڵاوكردنی ئاسۆیی، واتە تێكەڵاوكردنی یەكە جیاوازەكانی كاركردن لە ناو هەمان قۆناخی بەرهەمهێنان لە تاكە كۆمپانیایەكدا.

یەكسانیی ستوونی. سەیری یەكسانیی ئاسۆیی لە بەرامبەر یەكسانیی ستوونیدا بكەن.

تێكەڵاوكردنی ستوونی. سەیری تێكەڵاوكردنی ئاسۆیی لە بەرامبەر ستوونیدا بكەن.

لێكدانی (یەكخستنی، ئاوێتەكردنی) ستوونی. سەیری لێكدان بكەن.

هەڵبژاردنی نەشیاو. جۆرێكە لە كەموكووڕیی (كەمایەسی) بازاڕ، ئەمەش واتە ئەو كەسانەی ڕیسكێكی زۆریان هەیە، زیاتر خۆیان بیمە دەكەن و بیمە دەكڕن. هەڵبژاردنی نەشیاو واتە ئەو دۆخەی كە فرۆشیار و كڕیار لەسەر بەرهەمێك زانیاریی جیاوازیان هەیە، وەك ئەو زانیارییەی كە لە بازاڕی ئوتۆمبیلی دەستەدوودا هەیە.

نێونجی تێچوون، ئاماژەیە بە نێونج و بە تێچوون.

چەماوەی نێونجی تێچوونی درێژخایەن (LRAC یان LAC). وێنەی لانیكەمی نێونجی تێچوونی بەرهەمهێنانی شمەكێكە لە هەر ئاستێكی ئاوتپووتدا، وادانراوە كە تەكنەلۆجیا و نرخی ئینپووتەكان دراون و بەرهەمهێنەریش ئازادە لە هەڵبژاردنی قەبارەیەكی گەنجاو بۆ كارخانەكەی.

چەماوەی نێونجی تێچوونی كورتخایەن (SAC یان SRAC). بریتییە لە وێنەی لانیكەمی نێونجی تێچوونی بەرهەمهێنانی شمەكێك لە هەر ئاستێكی ئاوتپووتدا، كە تێیدا دۆخی تەكنەلۆجیا، نرخی ئینپووتەكان و شوێنی كارخانەكە دراوە.

نێونجی تێچوونی نەگۆڕ. ئاماژەیە بە تێچوون و نێونجی تێچوون.

نێونجی بەرهەم. بریتییە لە سەرجەم بەرهەم یان ئاوتپووت كە بەسەر بڕی سەرچاوەیەكدا دابەش دەكرێت. بۆ نموونە، نێونجی بەرهەمی كرێكار بریتییە لە سەرجەم بەرهەم دابەشی سەر بڕی سەرچاوەی كرێكار و ئەمەش بۆ سەرچاوەكانی تر ڕاستە.

نێونجی دەسهات. واتە سەرجەم دەسهات كە بەسەر ژمارەی یەكەی فرۆشراودا دابەش دەكرێت؛ بۆ نموونە، داهات بەپێی هەر یەكەیەك. بە گشتی نێونجی دەسهات یەكسانە بە نرخ.

نیونجی نرخی باج. سەرجەم باجە كە بەسەر سەرجەم داهاتدا دابەش دەكرێت، هەروەها پێیشی دەڵێن ڕێژەی باجی كاریگەر (effective tax rate).

نێونجی تێچوونی گۆڕاو. ئاماژەیە بە تێچوون و نێونجی گۆڕاو.

نێونجی تێچوون. واتە سەرجەم تێچوون (ئاماژەیە بە سەرجەم تێچوون) كە بە سەر بڕی بەرهەمهاتوودا دابەش دەكرێت.

نێونجی تێچوونی نەگۆڕ. واتە تێچوونی نەگۆڕ (ئاماژەیە بە تێچوونی نەگۆڕ) كە بەسەر بڕی بەرهەمهاتوودا دابەش دەكرێت.

نێونجی تێچوونی گۆڕاو. واتە تێچوونی گۆڕاو (ئاماژەیە بە تێچوونی گۆڕاو) كە بەسەر یەكەی بەرهەمهاتوودا دابەش دەكرێت.

قەرزی حکومەت. بریتییە لە سەرجەم بەڵێنییەكانی حکومەتە لە چوارچێوەی بۆند یان قەرزی كورتخایەندا. قەرزی حکومەت قەرزی گشتییە و ئەو بۆندانە ناگرێتەوە كە لە لایەن دەزگای نیمچەحكومی وەك بانكی ناوەندییەوە دەكردرێت.

دووجاكەری خەرجیی حکومەت. واتە زۆربوونی GDP لە ئەنجامی زیادكردنی 1 دۆلاری كڕینی حکومەت.

هەژاری. لە ئێستا حکومەتی ئەمەریکا لانیكەمی ئاستی پێداویستییەكانی ژیانی بە ''هێڵی هەژاری'' داناوە.

بەرهەم، نێونج. ئاماژەیە بە نێونجی بەرهەم.

ڕیسكبوێر، ڕیسكنەكەر. ڕیسكنەكەر ئەو كەسەیە كە تووشی دۆخێكی نادڵنیا دەبێتەوە، بە چەشنێك كە ناڕەزامەندی لە لەدەستدانی بڕێكی داهات زیاترە لە ڕەزامەندی لە بەدەستهێنانی ئەو بڕە داهاتە.

سەرمایەی ڕاسەری كۆمەڵایەتی. ئەو وەبەرهێنانە پێویستانەیە كە پەرەپێدانی ئابوورییان پێوە بەستراوەتەوە، بە تایبەتی وەبەرهێنان لە ئاو و ئاوەڕۆ، گواستنەوە و پێوەندییەكان كە هێندێک جار پێیان دەڵێن ژێرخان (infrstructure).

وردەكاریگەری. سەیری كاریگەرییە دەرەكییەكان بكەن.

دەستەبەری یەكلایەنەی، حکومەت. ئەو پارەیە یان دەستەبەرەیە كە حکومەت دەیداتە تاكەكان و بێ بەرامبەرە (واتە تاكەكان لە بەرامبەریدا هیچ شتێك یان خزمەتگوزارییەك نادەن). وەك دەستەبەری كۆمەڵایەتی و بیمەی بێكاری.