سەرچاوەكانی بەرهەمهێنان. بریتییە لە سەرچاوە بەرهەمدارەكانی كار، زەوی و سەرمایە كە بۆ بەرهەمهێنانی شمەك و خزمەتگوزاری پێویستن.

خاوەندارێتیی تاكەكەسی (كۆمپانیای تاكەكەسی). یەكەی ئابوورییە كە یەك كەس خاوەندارێتیی دەكات و بە ڕێوە ببرێت.

دیاریكەری GDP. واتە ''نرخی'' GDP، بۆ نموونە، پێنوێنی نرخ كە نێونجی نرخی پێكهێنەرەكانی GDP لە بەرامبەر ساڵی بنەڕەتدا هەژمار دەكات.

ڕكەبەری ناتەواو: هەر كۆمپانیایەك كە بە بڕێكی زۆر شمەكێك بكڕیت یان بفرۆشێت، ئەوا كاریگەریی لەسەر نرخی ئەو شمەكە دەبێت.

مامەڵەگەر. ئەو كەسەیە خەریكی مامەڵەگەرییە (خەریكی مامەڵەكردنە)، بۆ نموونە، كەسێك كە شمەكێك یان دارەتێكی دارایی دەكڕێت (یان دەفرۆشێت)، ئەوا مەبەستیەتی دواتر بە هۆی فرۆشتنیەوە (كڕینیەوە) لە نرخی بەرزتردا (یان کەمتردا) قازانج بكات.

بەرهەمداریی سەرجەم سەرچاوەكان. پێنوێنێكی بەرهەمدارییە كە سەرجەم ئاوتپووتی (بەرهەمی) هەر یەكەیەكی سەرجەم ئینپووت (سەرچاوە) هەژمار دەكات. سەری كەرتی پێنوێنەكە دەبێتە کۆ بەرهەمی ناوخۆ (واتە GDP)، بەڵام ژێر كەرتەكە دەبێتە نێونجی هەڵسەنگێنراوی (هەژماركراوی) ئینپووتەكانی سەرمایە، كرێكار و سەرچاوە سروشتییەكان. گەشەی بەرهەمداریی سەرجەم سەرچاوەکان (فاكتۆرەكان)، زۆر جار وەك پێنوێنێكی ڕێژەی پێشكەوتنی تەكنەلۆجیا لەبەرچاو دەگیرێت.