ڕێژەی بەشداری هێزی كار. ڕێژەی ئەو كەسانەی دەكەونە ناو هێزی كارەوە لە بەرامبەر گشت دانیشتوانی 16 ساڵ و سەرەوەی 16 ساڵدا.

شرۆڤەكردنی وردەهاوسەنگیی. ئەو شرۆڤەیە كە سەرنج دەداتە سەر كاریگەریی گۆڕان لە تاكە بازاڕێكدا، هۆكارەكانی تر وەك خۆیان دادەنێت (بۆ نموونە، لەبەرچاونەگرتنی گۆڕانی داهات).

كۆمپانیای هاوبەش (هاوبەند). ئەو كۆمپانیایە كە خاوەندارێتییەكەی هیی دوو یان زیاتر لە دوو كەسە كە لە كۆمپانیای هاوپشك (خاوەنپشك) ناچێت و بەرپرسیاریەتییەكی سنوورداریشی نییە (واتە بەرپرسیاریەتییەكەی بێسنوورە).