هەڵاوسانی بەرداكشان. ئەم چەمكە لە سەرەتای دەیەی 1970 سەری هەڵدا و بە واتای بوونی هاوكاتبوونی بێكاریی زۆر یان بەرداكشانە (سستی ئابووری، كزبوونی، stagnation) لەگەڵ هەڵاوسانێكی بەردەوامدا. باسەكانی زیاتر بەستراوەتەوە بە سروشتی نەبزۆکی (نەجوڵی) هەڵاوسان لە دۆخی هەڵاوسێنەردا.

هەڵاوسان ڕاتەكانی خستنەڕوو. ئەو هەڵاوسانەیە كە لە لایەنی خستنەڕووی بازاڕەوە سەرچاوە دەگرێ و بۆ بەرزبوونەوەیەكی زۆری تێچوونی بەرهەمهێنان دەگەڕێتەوە. لە چوارچێوەی خواست و خستنەڕووی گشتیدا، فشاری تێچوون (cost-push) وەك پەڕینەوەی چەماوەی AS بۆ لای سەرەوە نیشان دراوە. هەروەها پێیشی دەڵێن هەڵاوسانی تێچوون (cost-push inflation).