قەرزی حکومەت. بریتییە لە سەرجەم بەڵێنییەكانی حکومەتە لە چوارچێوەی بۆند یان قەرزی كورتخایەندا. قەرزی حکومەت قەرزی گشتییە و ئەو بۆندانە ناگرێتەوە كە لە لایەن دەزگای نیمچەحكومی وەك بانكی ناوەندییەوە دەكردرێت.

دووجاكەری خەرجیی حکومەت. واتە زۆربوونی GDP لە ئەنجامی زیادكردنی 1 دۆلاری كڕینی حکومەت.

دەستەبەری یەكلایەنەی، حکومەت. ئەو پارەیە یان دەستەبەرەیە كە حکومەت دەیداتە تاكەكان و بێ بەرامبەرە (واتە تاكەكان لە بەرامبەریدا هیچ شتێك یان خزمەتگوزارییەك نادەن). وەك دەستەبەری كۆمەڵایەتی و بیمەی بێكاری.