خاڵی سەربەسەر (لە ئابووریی تەڤدا). ئەو ئاستەی داهاتە كە تاكێك، خێزانێك یان كۆمەڵگەیەك سەداسەدی داهاتەكە لە بەكاربردندا خەرج دەكات (واتە ئەو خاڵەی كە نە پاشەكەوتی هەیە و نە پاشەكەوتی نییە). پاشەكەوتی ئەرێنی لە ئاستی زۆری داهاتدا دەست پێ دەكات.

نێونجی دەسهات. واتە سەرجەم دەسهات كە بەسەر ژمارەی یەكەی فرۆشراودا دابەش دەكرێت؛ بۆ نموونە، داهات بەپێی هەر یەكەیەك. بە گشتی نێونجی دەسهات یەكسانە بە نرخ.

وڵاتانی پەرەئەستێن. ئەو وڵاتانەن كە داهاتی سەرانەیان لە خوارەوەی داهاتی سەرانەی ''وڵاتانی پەرەسەندووە'' (developed nations) (كە مەبەست لێی زیاتر وڵاتانی باكووری ئەمەریکا و ڕۆژئاوای ئەورووپایە)، وەك وڵاتانی كەمتر پەرەگرتووە (less developed country).

داهات یان دەسكەوتی سنوورەكیی بەرهەمی (MRP) (سەرچاوەیەك). داهاتی سنوورەكییە كە جارانی بەرهەمی سنوورەكی دەكرێت. ئەمەش ئەگەر كۆمپانیا 1 یەكەی زیاتری سەرچاوەیەك بكڕێت و بیخاتە گەڕ و یەكەی زیاتری بەرهەمهێنراو بفرۆشێت، ئەوا داهاتی زیاتری لێ دەكەوێتەوە.

داهاتی سنوورەكی (MR). داهاتی زیاتری كۆمپانیایە بە هۆی فرۆشتنی 1 یەكەی زیاتری بەرهەمەوە. لە ڕكەبەرایەتیی تەواودا، MR یەكسانە بە نرخ. لە دۆخی ڕكەبەرایەتیی ناتەواودا MR كەمترە لە نرخ، چونكە بۆ فرۆشتنی یەكەیەكی زیاتر، دەبێ گشت یەكەكانی پێشتری بە نرخێكی كەمتر فرۆشتبێت.

سەرجەم دەسهات (TR). یەكسانە بە نرخ جارانی بڕ، یان سەرجەم بڕی فرۆشراوە.