بودجەی هەیی، ناوبەناو و پێكهاتەیی. كورتهێنان یان زیادهێنانی بودجەی هەیی ئەو بڕە پارەیە كە لە ساڵێكدا تۆمار دەكرێت. ئەمەیش بەشێكە لە بودجەی پێكهاتەیی كە داهات و خەرجی و كورتهێنانی حکومەت لە دۆخی بەرهەمهێنانی ماتەوزەدا هەژمار دەكات و، كورتهێنانی ناوبەناویش كاریگەریی بارگۆڕانی ئابووری لەسەر بودجە هەژمار دەكات.

بودجەی هاوسەنگ. ئاماژەیە بە هاوسەنگیی بودجە.

بودجە. حیسابی یەك ساڵی داهاتی كۆكراو و پلانی خەرجییە. داهاتی حکومەت ئەو بڕە باجەیە كە كۆ كراوەتەوە. هەروەها سەیری بودجەی هەیی، ناوبەناو و پێكهاتەیی بكەن.

هاوسەنگیی بودجە. واتە یەكسانبوونی سەرجەم خەرجی لەگەڵ سەرجەم داهاتدا (جگە لە قەرزی وەرگیراو).

سنووری بودجە. سەیری هێڵی بودجە بكەن.

كورتهێنانی بودجە. ئەو دۆخەیە كە سەرجەم خەرجییەكانی حکومەت زیاترە لە سەرجەم پارەی كۆكراو كە قەرزەكانی لێ بەدەر كراوە. ئەم جیاوازییە دەبێتە (كورتهێنان) كە زیاتر بە هۆی قەرز پڕ دەكرێتەوە.

هێڵی بودجە. ئەو هێڵەیە كە بەكاربەر بەگوێرەی داهاتی دیاریكراو و نرخی دیاریكراو، دەتوانێ تێكەڵاوەیەك لە شمەكەكان بكڕێت. هەروەها پێیشی دەڵێن سنووری بودجە (budget constraint).

زیادهێنانی بودجە. واتە داهاتی حکومەت لە خەرجییەكانی زیاترە و پێچەوانەكەشی دەبێتە كورتهێنانی بودجە.

بودجەی ناوبەناو. سەیری بودجەی هەیی، ناوبەناو و پێكهاتەیی بكەن.

بودجەی پێكهاتەیی. سەیری بودجەی هەیی (actual)، ناو بە ناو و پێكهاتەیی بكەن.