«نا.» ۱- ماری زۆر گەورە.: مارێکمان کوشت ئەژدەهایەک بوو بۆخۆی. «مار ماری نەخوا نابێتە ئەژدەها» ۲- مەوجوودێکی خەیاڵییە لە چیرۆکەکاندا زۆر باسی دەکرێ، وەکوو مارێکی یەکجار گەورە وایە، شاخی هەیە، چاوی وەکوو ئاگر داییسێ، کە دەم دەکاتەوە گڕی لێ دێتە دەر، لە دوورەوە پیاو هەڵدەلووشێ، گۆیا پاسەوانی خەزێنە و گەنجی شاراوەیە. «... ئەژدەهایەک بەری ئاوەکەی گرتبوو، پاتشا کوتی هەرکەس بیکوژێ کچی خۆمی دەدەمێ...»، «ڕەببی ئەژدەهای حەوت سەر بچتە خەوی». «حەڵقە حەڵقە زولفی بەر قوببەی هەیاسەی کەوتووە» «مەحڕەمی سیڕڕە، بەڵێ گەنجووری گەنجە ئەژدەها» «نالی: گمـ- ۱۱». ۳- «مجـ.»، آ» ئینسانی زۆرخۆر. ب» ئافرەتی دڕ و بێ شەرم. ج» پیاوی زۆر ئازا ٭ئەژدیها، هەژدەها، هەژدیها. تێبــ.ینی: ئاوێستاییەکەی ئەم وشەیە لە دوو کەرت پێکهاتووە: «ئەژی» بە مانای مار کە هەر بەم شکڵە و مانایەش هاتۆتە ناو «پەهلەوی». کەرتی دووەم «دەهاکە» لە ڕیشەی «دەهـ» بە مانای: ئەوەی ئازار دەگەیێنێ، پێوەدەدا. «تمـ: معین، بوڕهان، جـ۱- ١١٦».