(نا.) ١- ئەو شتە ڕەق و سەختەیە کە هەیکەلی لەشی ئادەمیزاد و گیاندارانی تری خاوەن تیغەرە پشتی لێ پێکهاتووە و نەرمایی لەش (گۆشت...) بەوەوە ڕاوەستاون لە (فۆسفات) و (کاڕبۆناتی کالسیۆم) دروست بووە، دەرەوەی ئیشک و سەختە و لە ناوەوە بەشێکی تەڕ و نەرمتر (مۆخ) هەیە. ((دوعا خوازیت کە کرد ئێسکم بە جارێ کەوتە ناڵە ناڵ)) (( لە ناو ئەو ناڵەدا باڵووڵی دڵخۆش نەی سوارێکە)) (پیرەمێرد-٢٠٣). ٢- (مج.) شکڵ و شێوەی ئینسان *ئێسک، هێسک، (هو.) پێشە. ئێسخوان، ئێسقان. (بک.) هەستی، هەستوو، (هەکاری) هێستە.

(ست.) ئینسانی لەبەر دڵان، کەسێکی شکڵ و شێوە یا جووڵانەوە و ئاکاری لە بەر چاوانی نەخا. * ڕەزاسووک، ڕەزا شیرن، خوێن شیرن (شیرین).

(ست.) کەسێکی لەبەر شکڵ و شێوە یا جۆری هەڵسان و دانیشتنی نەچێتە دڵانەوە. * ئێسک گران، ڕەزا قورس، ڕەزا گران، خوێن تاڵ.

(نت.) ١- پاشماوەی مردووی نێژراو کە ڕزیبێ و مشتێ ئێسقانی نیوەڕزیوی مابێتەوە. ئەوە تۆ دەڵەی چی بە خوا ئێسک و پڕووسکیشی نەماوە. ٢- هەموو ئەو ئێسقانەی پاش خواردنی گۆشتی مریشک و باڵندەی تر دەمێنێتەوە. ئەگەر مریشکتان نەخواردووە ئەی ئەم ئێسک و پڕووسکانی چن؟

(ست.) تم: ئێسک قورس.